काठमाडौं । भूमि व्यवस्था, सहकारी तथा गरिबी निवारण मन्त्रीमा रञ्जिता श्रेष्ठ नियुक्त हुनुभएको छ । प्रधानमन्त्री पुष्पकमल दाहालले आज, शुक्रबार मन्त्रीपरिषद्को विस्तार गर्दै विभिन्न मन्त्रालयको जिम्मेवारी बाँडफाँड सँगै भूमि व्यवस्था, सहकारी तथा गरिबी निवारण मन्त्रालयको जिम्मेवारी नागरिक उन्मुक्ति पार्टीकी अध्यक्ष श्रेष्ठलाई दिनुभएको हो । नवनियुक्त मन्त्री श्रेष्ठले आजै पदबहाली गर्नुभएको छ । राष्ट्रपति रामचन्द्र पौडेलबाट पद तथा गोपनीयताको सपथ लिएलगत्तै मन्त्री श्रेष्ठले सिंहदरबारस्थित मन्त्रालय पुगेर पदबहाली गर्नुभएको हो । 

मन्त्री श्रेष्ठ कैलाली–१ बाट प्रतिनिधिसभामा निर्वाचित सदस्य हुनुहुन्छ ।