मोरङको बिराटनगरमा सदस्य सँग नेफ्स्कून कार्यक्रम सम्पन्न भएको छ । नेफ्स्कून बिराटनगर सेवा केन्द्रको आयोजनामा भएको कार्यक्रममा बिराटनगर क्षेत्रको २१ वटा बचत तथा ऋण सहकारी संघ संस्थाहरुको २७ जना अध्यक्ष तथा व्यवस्थापकहरु सहित ३२ जनाको उपस्थिति रहेको थियो । 

कार्यक्रमको अध्यक्षता नेफ्स्कूनका सञ्चालक तथा सुनसरी सदस्य सेवा कार्यलय इटहरी, सुनसरीको व्यवस्थापन उप समिति संयोजक गोमा नेपालले गर्नु भएको थियो । जिल्ला सहकारी संघ, जिल्ला बचत संघ तथा संस्थाको प्रतिनिधिहरु बिचमा समासामयिक बिषयमा छलफल तथा अन्तरक्रिया भएको थियो ।

 अध्यक्ष गोमा नेपालले साकोस अभियानका समसामयिक विषयहरुमा प्रकाश पार्दै सहभागीहरुले राख्नु भएका जिज्ञासा माथि प्रष्ट पार्नु भएको थियो । जिल्ला सहकारी संघ मोरङको  कोषाध्यक्ष अमृत गुरुङ ,सदस्य बिजय सरदार, जिल्ला बचत संघ मोरङको उपाध्यक्ष सिता लामिछानेले जसरी नेफस्कून आफ्ना सदस्यको माझमा आएको छ त्यसरी नै संस्था पनि आफ्ना सदस्यकोमा जानु पर्ने धारणा राख्नुभएको थियो । सुगम साकोसको सभाहलमा भएको कार्यक्रमा नेफ्स्कून सदस्य सेवा कार्यालय सुनसरीको व्यवसाय अधिकृत रामकृष्ण भट्टराईले कार्यक्रमको औचित्य बारेमा प्रष्ट पार्नुभएको थियो भने अनुगमन अधिकृत शौभाग्य भट्टराईले सहजिकरण गर्नुभएको थियो । 

कार्यक्रम बिराटनगर सेवाकेन्द्र प्रमुख लक्ष्मण अधिकारीले सञ्चालन गर्नुभएको थियो भने व्यवस्थापनमा सहयोग जिल्ला बचत संघ मोरङको विराटनगर सेवा केन्द्रका कर्मचारी यमन निरौला, सुगम साकोसका व्यवस्थापक एवम् कर्मचारीहरु र नेफ्स्कून विराटनगर सेवा केन्द्रका कर्मचारी प्रेम भगतले गर्नु भएको थियो ।