चितवन । भरतपुर महानगरपालिका–२३, कृष्णचोकमा रहेको सजिलो बचत तथा ऋण सहकारी संस्था लिमिटेडले आफ्नो १२ औं स्थापना दिवसको अवसरमा सप्ताहव्यापी विविध सामाजिक क्रियाकलाप अन्तर्गत चौथो दिन महिला सशक्तिकरण तथा खेलकुद कार्यक्रम सञ्चालन गरेको छ । 

नेपालको संविधान तथा कानुनले सुनिश्चित गरेका महिला अधिकारका विषयमा कार्यक्रममा सहभागी महिलाहरुलाई प्रशिक्षित गरिएको थियो ।

अधिवक्ता सुनिता अधिकारद्वारा प्रशिक्षित उक्त कार्यक्रम महिला समन्वय तथा विकास उपसमितिको संयोजनमा भएको थियो । कार्यक्रममा साकोसका ५८ जना महिला सदस्यहरुको उपस्थिति थियो । कार्यक्रममा बेलुन नृत्य खेलमा सहभागी कमला कुमारी उपरकोटीको समुह विजयी भएको थियो ।