काठमाडौं । तनहुँको शुक्लागण्डकी नगरपालिका –७, मिलनडाँडामा सञ्चालित मिलन बचत तथा ऋण सहकारी संस्था लि.प्रोबेसन कार्यक्रममा आबद्ध भएको छ । प्रोबेसन कार्यक्रम नेफ्स्कूनले सञ्चालन गरेको राष्ट्रिय स्तरको साकोसहरुको गुणस्तर सुनिश्चिता सम्बन्धी पूर्ण तथा व्यावायिक साकोस विकास कार्यक्रम हो । 

साकोसको कार्यालयमा श्रावण १० गते आयोजित कार्यक्रममा साकोसका अध्यक्ष विरेन्द्र कुमार श्रेष्ठ र नेफ्स्कूनको तर्फबाट कार्यक्रम अधिकृत मनोज खड्काले कार्यक्रम सम्झौतापत्रमा हस्ताक्षर गर्नुभएको थियो । 

प्रोबेसन कार्यक्रम आबद्धताले साकोसको संस्थागत विकास र वित्तीय सुशासन कायम हुने विश्वास लिएको अध्यक्ष श्रेष्ठले बताउनुभयो । 

कार्यक्रममा साकोसका उपाध्यक्ष ज्योति श्रेष्ठ, सहसचिव कमल गैह्रे, व्यवस्थापक विश्व थापा मगर र नेफ्स्कून खैरेनिटार सेवा केन्द्र प्रमुख दिपक आचार्य उपस्थित हुनुहुन्थ्यो । 

२०६६ सालमा स्थापित समुदायमा आधारित मिलन साकोसमा हाल ३ हजार जना शेयर सदस्य छन् भने साकोसको वासलात रु. ३० करोड ८५ लाख ३१ हजार २१५ रहेको छ ।