काभ्रे । एक्सेस बागमती प्रथम समुहको २९औं कार्यकुशलता तथा सिकाई व्यवस्थापन कार्यशाला सम्पन्न भएको छ । कार्यक्रम बिन्धवासिनी बचत तथा ऋण सहकारी संस्थाका अध्यक्ष शान्त कुमार श्रेष्ठको अध्यक्षता, नेपाल बचत तथा ऋण केन्द्रीय सहकारी संघ लि.का कोषाध्यक्ष दिपक पनेरुको प्रमुख आतिथ्यता र प्रमुख कार्यकारी अधिकृत डा.शिवजी सापकोटाको विशेष आतिथ्यतामा भएको थियो । 

बिन्धवासिनी साकोसको आयोजना र नेफ्स्कूनको प्राविधिक सहयोगमा सञ्चालित कार्यक्रममा एक्सेस प्रथम समुहमा आबद्ध एकीकृत फ्रेण्डसिप साकोस, चण्डेश्वरी साकोस, जनसचेतन साकोस, मन्थली साकोस, विकु साकोस, शिक्षक कल्याण साकोस, श्री बाराहि साकोस, सामुदायिक साकोस र सिद्धि गणेश साकोसका अध्यक्ष, सञ्चालक तथा व्यवस्थापन प्रमुखहरुको सहभागिता रहेको थियो । 

कार्यशालाको सहजीकरण नेफ्स्कूका वरिष्ठ अधिकृत प्रेमनाथ वाग्लेले गर्नुभएको थियो । संस्थाले सोहि कार्यक्रमका अवसरमा नेफ्स्कूनका नवनियुक्त प्रमुख कार्यकारी अधिकृत डा. शिवजी सापकोटालाई बधाई तथा सम्मान कार्यक्रम समेत गरेको थियो ।