जाजरकोट र रुकुम पश्चिमका भूकम्प पीडितहरुको लागि छिमेकी जिल्ला रुकुम पूर्वस्थित रुक्मेणी बचत तथा ऋण सहकारी संस्था लि.ले जिन्सी सहयोग गरेको छ । जिल्लाको सिस्ने गाउँपालिका-६ स्थित उक्त साकोसले १५ हजार रुपैयाँ बराबरको म्याट (पी–फोम) सहयोग उपलब्ध गराएको हो ।  

सहकारिताको मर्म र संस्थागत सामाजिक उत्तरदायित्वलाई ध्यान राखी सहयोग गरेको संस्थाका व्यवस्थापक चन्द्र बहादुर बुढाथोकीले जानकारी गराउनुभयो । हिजो बसेको संस्थाको सञ्चालक समितिले सहयोग गर्ने विषयमा औपचारिक निर्णय गरेको थियो । संस्थाले जिल्ला विपद व्यवस्थापन समितिलाई आज उपलब्ध गराएको सहयोग सामाग्री भूकम्प पीडित क्षेत्रमा पठाइ सकिएको व्यवस्थापक चन्द्र बहादुर बुढाथोकीले साकोस आवाजलाई जानकारी गराउनुभयो । २०६५ साल साउने २ गते स्थापना भएको संस्थामा हाल ११ सय २६ सदस्य छन् भने कुल पुँजी ७ करोड ५१ लाख रुपैयाँ बढी रहेको छ । रुक्मेणी साकोस नेफ्स्कूनको सदस्य संस्था हो ।