दोलखाको वैतेश्वर गाउँपालिका-५ काब्रे मुख्य कार्यालय रहेको जनसचेतन बचत तथा ऋण सहकारी संस्था लि.का कर्मचारीहरुको क्षमता विकास तालिम काभ्रेको धुलिखेलमा सम्पन्न भएको छ । पुस १३ गतेदेखि सञ्चालित ३ दिने तालिम आज सम्पन्न भएको हो । समापन समारोहको अध्यक्षता साकोसका अध्यक्ष हेमन्त चौलागाईले गर्नुभएको थियो भने प्रमुख अतिथि नेफ्स्कूनका अध्यक्ष चन्द्रप्रसाद ढकाल रहनुभएको थियो । तालिम सहजीकरण नेफ्स्कूनका प्रमुख कार्यकारी अधिकृत डा.शिवजी सापकोटाले गर्नुभएको थियो । विगतमा एक्सेस सिल्भर ब्राण्ड प्राप्त जनसचेतन साकोस समुदायमा आधारित सदस्य केन्द्रित बचत तथा ऋण सहकारी संस्था हो । साकोसको स्थापना २०५० सालमा भएको थियो ।