भक्तपुर जिल्ला बचत तथा ऋण सहकारी संघ लि.को तालिम व्यवस्थापन उपसमितिको आयोजनामा फागुन ६ गते तरलता व्यवस्थापन तालिम सम्पन्न भएको छ । संघका अध्यक्ष कृष्ण गोविन्द लाखाजुले PEARLS प्रतिवेदनमा तरलता पुगेर मात्र हुदैंन तरलताको गुणस्तर पनि हेर्नु पर्ने बताउनुभयो । हाल प्रतिवेदनमा तरलता पुगेको देखिएता पनि रकम फिर्ता दिन नसकेका थुप्रै उदाहरण देखिनुकोे कारण अन्तर सहकारी समानान्तर कारोबार रहेको उहाँले बताउनुभयो । 

संघका सचालक एवं तालिम व्यवस्थापन उपसमितिका संयोजक इन्द्र प्रसाद व्यन्जुले सिकेका ज्ञान संस्थामा लागु गर्न र सिकेको कुराहरु सहकर्मीहरुलाई सिकाउनुपर्ने विचार व्यक्त गर्नु भयो । उहाँले सदय संस्थाहरुले ८० प्रतिशत भन्दा बढी ऋण लगानी गर्न नहुने बताउनुभयो । यसले गर्दा झन तरलता संकट हुने उहाँले जानकारी गराउनुभयो । 

संघका व्यवस्थापक बालकृष्ण धोजुले हाल समुदायमा आधारित सहकारी संस्थामा ऋण लगानी हुननसक्दा अधिक तरलता भएको अवस्थामा तरलताको सही व्यवस्थापन गरेर पनि संस्था संचालन गर्न सकिने बताउनुभयो । तालिमको सहजकर्ता कवि न्यौपानेले तरलता संकट, अधिक तरलताको व्यवस्थापन, स्प्रडेदर गणना विधि लगायत विषयमा प्रशिक्षण दिनुभएको थियो । तालिममा सदस्य संस्थामा कार्यरत कोषाध्यक्ष, व्यवस्थापक एवम् कर्मचारी गरी ३२ जनाको सहभागिता थियो ।