काठमाडौं । नेफ्स्कूनको सर्लाही सदस्य सेवा कार्यालयको आयोजनामा फागुन १९ गतेदेखि २१ गतेसम्म महोत्तरीको बर्दिवासमा 'ऋण अधिकृतहरुको क्षमता अभिवृद्धि तालिम' सञ्चालन गरिएको छ । तालिममा मधेश प्रदेशका ६ जिल्लाका १७ साकोसका गरी २० जनाको सहभागिता रहेको थियो । तालिम सहजीकरण नेफ्स्कूनका अधिकृतद्वय कोमलराज अधिकारी र उमेश कोइरालाले गर्नुभएको थियो । तालिमको समग्र व्यवस्थापन संघको सर्लाही सदस्य सेवा कार्यालयका इन्चार्ज महेश बरालले गर्नुभएको थियो ।

तालिम सहभागीहरुले सिकाइलाई संस्थाको विकासमा लागू गर्ने प्रतिबद्धता व्यक्त गर्नुभएको थियो भने संघका सदस्य सेवा कार्यालयका इन्चार्ज बरालले सदस्य संस्थाहरुको माग सम्बोधन हुने गरी तालिमका कार्यक्रमहरु राख्दै आएको भन्दै आगामी दिनमा पनि सदस्य संस्थाहरुलाई नै ध्यानमा राखेर तालिम र शिक्षा कार्यक्रमहरुमा जोडिने जानकारी गराउनुभएको थियो ।