काठमाडौं । नेफ्स्कून बिर्तामोड सेवा केन्दको आयोजनामा फागुन २४ गते विहिबार 'अग्रभागका कर्मचारी तथा सेवा सहायकहरुको क्षमता विकास तालिम' सञ्चालन गरिएको छ । तालिममा इलाम जिल्लाका २ साकोस र झापाका १९ साकोसहरु बाट गरी २३ जनाको सहभागिता रहेको थियो । तालिममा  १७  महिला र ६ पुरुषको सहभागिता रहेको थियो ।

सहभागीहरुले सहायक स्तरका कर्मचारीहरुले समेत अवसर पाउने गरी आयोजित समय सापेक्ष तालिम निकै उचित र व्यावहारिक भएको प्रतिक्रिया जनाउनुभएको थियो । नेफ्स्कूनबाट क्षमता बिकासका लागि आयोजित तालिममा सहभागी हुन पाउँदा निकै खुसी लागेको भन्दै सिकाइलाई संस्थागत हितमा प्रयोग गर्ने प्रतिवद्धतासमेत व्यक्त गर्नुभएको थियो । 

तालिम सहजिकरण नेफ्स्कूनका कार्यक्रम अधिकृत सौभाग्य भट्टराईले गर्नुभएको थियो भने कार्यक्रम संचालन संघको बिर्तामोड सेवा केन्द, बिर्तामोड झापाका ईन्चार्ज सोमनाथ दहालले गर्नुभएको थियो ।