काठमाडौं । बागलुङ जिल्ला बचत तथा ऋण सहकारी संघ लि.को आयोजना एवम् नेफ्स्कूनको प्राविधिक सहयोगमा २०८० चैत्र १३ र १४ गते बागलुङमा नेतृत्व क्षमता विकास तालिम आयोजना गरिएको छ । तालिममा २१ जनाको सहभागिता रहेको छ । तालिम उद्घाटन कार्यक्रममा बचत संघका अध्यक्ष चण्डी प्रसाद शर्मा पौडेलले नीतिका विषयमा वकालत गर्ने जिम्मेवारी बचत संघका सञ्चालकको रहेको बताउनुभयो । नेफ्स्कूनका निवर्तमान सञ्चालक समेत रहनुभएका पौडेलले सहकारी मूल्य, मान्यता र सिद्धान्तको बारेमा संस्थामा जानकारी गराउँदै सदस्य संस्थाहरुको अनुगमन गर्नुपर्नेमा जोड दिनुभयो ।

सदस्य संस्थाका समितिको काम, कर्तव्य र अधिकारको जानकारी गराउने जिम्मेवारी बचत संघको भएको पौडेलले बताउनुभयो । उहाँले भन्नुभयो, ‘नेतृत्वले सहकारी के हो जान्नै पर्ने र बुझ्नै पर्ने हुन्छ । नेतृत्व अनुकरणीय र उदाहरणीय बन्नैपर्छ । सहकारी क्षेत्रमा जोखिम सिर्जना भई मन धरमराएको परिस्थितिमा सवैलाई हौसला प्रदान गर्न सक्षमताको लागि तालिम फलदायी हुने विश्वास उहाँले व्यक्त गर्नुभयो । सहकारी मार्फत गरिवीलाई संग्राहलयमा राख्नुपर्ने बताउनुभयो ।

कार्यक्रममा संघका उपाध्यक्ष गणेश बहादुर खत्रीले स्वागत मन्तव्य राख्नुभएको थियो भने सचिव अर्जुन प्रसाद कडेलले कार्यक्रम सञ्चालन गर्नुभएको थियो । तालिम सहजीकरण नेफस्कूनका तालिम अधिकृत उमेश कोइरालाले गर्नुभएको छ ।