चन्द्रनिगाहपुर ,रौतहट । संकल्प साकोसको आयोजना तथा सिभिल हस्पिटल प्रा. लि. चन्द्रपुर ४ र लायन्स क्लब चपुरको प्राबिधिक सहयोगमा चन्द्रपुर-९ स्थित श्री पन्च आधारभुत विद्यालयमा बैशाख २९ गते निःशुल्क स्वास्थ्य शिविर आयोजना गरिएको छ । चन्द्रपुर ९ र १० का सेवाग्राहीहरुलाई लक्षित गरी आयोजित शिविरमा ३ सय ६१ व्यक्तिले सेवा लिनुभएको थियो । संकल्प साकोसले सहकारी सामाजिक उत्तरादायित्व अन्तर्गत स्वास्थ्य शिविर आयोजना गरेको हो ।

कार्यक्रमको अध्यक्षता सस्थाका उपाध्यक्ष कृष्ण चन्द्र पोखरेलले गर्नु भएको थियो भने प्रमुख अतिथि चन्द्रपुर नगरपालिका सहकारी शाखा प्रमुख शेख नसरे आलम हुनुहुन्थ्यो । सो अबसरमा सिभिल हस्पिटल प्रा लि का राजन साह ,लाइन्स क्लबका नारायण न्यौपाने ,सस्थाका लेखा संयोजक गणेश पौडेल ,संचालक समितीका पदाधिकारी ,कर्मचारी लगायतको उपस्थिति रहेको थियो  । कार्यक्रमको सन्चालन सह सचिब चिरञ्जीवी गौतमले गर्नु भएको थियोे भने स्वागत सामाजिक क्रियाकलाप उप समिति संयोजक भरत अधिकारीले गर्नु भएको थियोे ।