चन्द्रपुर । रौतहट बचत तथा ऋण सहकारी संघ लिले सदस्य संस्थाहरुसँगको सम्बन्ध र सहकार्यलाई प्रगाढ बनाउने अभियानलाई निरन्तरता दिएको छ । यही उद्देश्यका साथ संघले सुरु गरेको प्रारम्भिक संस्था लक्षित घुम्ती बैठकका क्रममा जेठ ३ गते ७ वटा साकोसको भ्रमण गरी तिनको वित्तिय अवस्था, कार्यालय व्यवस्थापन, चुनौती, समस्या र सम्भावनाहरुबारे छलफल गरेको छ ।

बचत संघका अध्यक्ष विभु पोखरेलले जिल्लाको साकोस अभियानलाई सशक्त बनाउने, सदस्यहरुसँग निकट सम्बन्ध राख्ने र समस्याहरुबारे सहजीकरण प्रयाग गर्ने उद्देश्यले घुम्ती बैठक राखिएको बताउनुभयो । संघले हिजो बिहिवार गौर स्थित देब साकोस, श्री ॐ मातृभुमी महिला साकोस, सुर्य दर्शन बहुमुखी साकोस,  जीवन साधना साकोस इशनाथ न पा ६, ॐ साकोस, बोधिमाइ न पा ४, आदर्श साकोस, माधब नारायण न पा ७, हाम्रो साकोस, गरुडा न पा ४ को भ्रमण गरी सञ्चालक समिति तथा व्यवस्थापन प्रतिनिधिहरुसँग छलफल गरेको हो । 

छलफलका क्रममा अधिकांश साकोसका प्रतिनिधिहरुले बचत फिर्ता भन्दा पनि नियमानुसार ऋण उठाउन कठिनाई भएको समस्या प्रस्तुत गर्नुभएको थियो । त्यस्तै सदस्य संस्थाहरुले सुशासन, तालिम, शिक्षा, आदि सम्बन्धमा रौतहट बचत संघको सहयोगको अपेक्षा राख्नु भएको थियो । देव साकोसले जोखिममा आधारित साकोस सुपरिवेक्षण कार्यक्रम (कर्ब्स) मा आवद्धता जनाउने प्रतिबद्धता व्यक्त गरेको थियो ।

यस्तै, हाम्रो साकोस, जीवन साधना साकोस, आदर्श साकोसले सदस्यता नवीकरण गर्ने प्रतिबद्धता व्यक्त गरेका थिए । टोलीमा बचत संघका उपाध्यक्ष राम बिश्वास पासवान, महासचिव देब बहादुर सापकोटा, सचिव बसन्त आचार्य, कोषाध्यक्ष नरेन्द्र राना, सञ्चालक दुर्गा आचार्य, कल्पना दाहाल व्यवस्थापक नेवालाल राम सहभागी हुनुहुन्थ्यो ।