काठमाडौँ । सहकारी संस्था बचत रकम दुरुपयोग सम्बन्धमा गठित संसदीय छानबिन विशेष समितिले आज पूर्वसचिव र पूर्वमहालेखापरीक्षकहरुसँग छलफल गरेको छ । समितिले पूर्वमहालेखापरीक्षकतथा पूर्वरजिस्ट्रार टंकमणि शर्मा, सहकारी मन्त्रालयका पूर्व सचिवद्धय गोपीनाथ मैनाली र डा. दामोदर रेग्मीसँग छलफल गरेको हो । 

‘सहकारी ऐनको निर्माण, नियमनको प्रबन्ध, सहकारी  संकटलगायत विभिन्न संरचनाहरूको स्थापना लगायत संरचनाहरूको कानूनी एवं व्यावहारिक अभ्यास र अनुभवको सम्बन्धमा महत्त्वपूर्ण छलफल भएको समितिका सभापति सूर्य थापाले बताउनुभयो ।

बैठकले आवश्यक कागजात मागिएका निकायहरूसँग सम्पर्क व्यक्तिसहित फलोअप गर्ने, देशभरि राम्रो सञ्चालन भइरहेका सहकारीहरूसँग प्रतिनिधिमूलक छलफल गर्ने निर्णय पनि गरेको छ ।

त्यस्तै, विभिन्न व्यक्तिहरूसँग गरिने सोधपुछको प्राविधिक तयारी र व्यवस्थापन गर्ने, क्रस डिस्कसन मिटिङ र सहकारी  संस्थाहरूका लेखापरीक्षकहरूको अनुभवमा आधारित छलफल गर्ने निर्णय पनि समिति बैठकले गरेको छ ।