काठमाडौं । भक्तपुर नगरपालिका ४, भुलाँचास्थित श्री बाराही बचत तथा ऋण सहकारी संस्था लि. ले आज आफ्नो २६औं स्थापना दिवस विविध कार्यक्रम गरी मनाउँदैछ । समुदायमा आधारित र सदस्य केन्द्रित साकोसले रजत वर्ष समापन समारोहका अवसरमा वृत्तचित्र विमोचन, स्मारिका विमोचन, सम्मान तथा पुरस्कार, खुल्ला रक्तदान लगायत विविध कार्यक्रम आयोजना गरेको छ ।

संस्थाका अध्यक्ष विश्वराम त्वायनाको अध्यक्षतामा आयोजित कार्यक्रममा संघीय सांसद प्रेम सुवाल, नेफ्स्कूनका अध्यक्ष चन्द्रप्रसाद ढकाल, भक्तपुर जिल्ला बचत संघका अध्यक्ष कृष्ण गोविन्द लाखाजु आदिको सहभागिता छ । 

आर्थिक समृद्धिका लागि बाराही सहकारीको परिकल्पनालाई साकार पार्न सदस्यको आर्थिक, सामाजिक, साँस्कृतिक र पर्यावरणीय विकासका लागि विगत २५ वर्षदेखि संस्थाले निरन्तर काम गर्दै आएको छ ।