काठमाडौं । विश्व ऋण परिषद् (ओकू) ले क्रेडिट युनियनमा आबद्ध सदस्यहरुको संख्या १ अर्ब पुर्याउने महत्कांक्षी लक्ष्य अघि सारको छ । 

अमेरिकाको बोस्टन शहरमा जारी विश्व क्रेडिट युनियन सम्मेलन-२०२४ को अवसरमा बोल्दै ओकूकी प्रमुख कार्यकारी अधिकृत एलिसा म्याककार्टर ला बोर्डले विश्व क्रेडिट युनियन सदस्यहरुको संख्या बढाउने जानकारी गराउनुभएको हो । उहाँका अनुसार कुल सदस्यमध्ये ५० प्रतिशत हिस्सा महिलाको हुनेछ ।

त्यति मात्र नभई ओकूले विश्वभर क्रेडिट युनियनको नेतृत्वमध्ये ५० प्रतिशत महिला भएको हेर्न चाहेको पनि एलिसाको प्रस्तुतिमा अटाएको थियो । ओकूको पछिल्लो तथ्याङ्क अनुसार हाल विश्वका ९८ मुलुकका ८२ हजार ७ सय ५८ क्रेडिट युनियनमा ४० करोड ३९ लाख ७६ हजार ४९ जनसंख्या आबद्ध छ ।