काठमाडौं । नेफ्स्कून सम्मान पुरस्कारका लागि विवरण भर्न इच्छुक योग्यता पुगेका संघका सदस्य संघ संस्थाहरुले नेफ्स्कून एमआईएस भित्रको ड्यासबोर्डको देब्रेतर्फ रहेको एप्लाई फर अवार्ड क्लिक गरी आवश्यक विवरणहरु उपलब्ध गराउनुपर्ने हुन्छ । यसैगरी, उक्त प्रयोजनका लागि सदस्य संघ संस्थाहरुले एमआईएसको ड्यासबोर्डको देब्रेतर्फ रहेको प्रोफाइल तथा मासिक वित्तीय विवरण (आ.व. २०८०/८१ को असार महिनाको अडिट पूर्वको) अनिवार्य रुपमा प्रविष्टी गर्नुपर्ने हुन्छ ।

सम्मान पुरस्कार प्रयोजनका लागि योग्य हुन सदस्य संघ संस्थाहरुले अनिवार्य रुपमा प्रोफाइल तथा मासिक वित्तीय विवरण प्रविष्टि गर्नुपर्ने हुन्छ । नेफ्स्कून सम्मान पुरस्कारका आवेदन दिन इच्छुक योग्यता पुगेका संघका सम्पूर्ण संघ संस्थाहरुले आवश्यक सम्पूर्ण विवरणहरु यही साउन २५ गतेत्रि एमआईएसमा प्रविष्टि गरिसक्नुपर्नेछ ।

नेफ्स्कूनले विगत लामो समयदेखि संघको स्थापना दिवसको अवसर पारेर वर्षभरि उत्कृष्ट कार्यसम्पादन गर्ने व्यक्ति तथा संघ संस्थालाई विभिन्न विधामा सम्मान पुरस्कार घोषणा गर्दै आएको छ भने घोषित सम्मान पुरस्कार संघको वार्षिक साधारण सभाको समयमा प्रदान गर्दै आएको छ ।