काठमाडौं । नेफ्स्कून डडेल्धुरा सदस्य सेवा कार्यालयको आयोजनामा आज कार्तिक १३ गते व्यवसाय प्रवर्धनका लागि साकोसका अध्यक्ष र व्यवस्थापकहरुसँग अन्तरक्रिया कार्यक्रम सम्पन्न गरिएको छ । 

जिल्ला बचत तथा ऋण सहकारी संघ लि। डडेल्धुराका अध्यक्ष पदमा गुरुङ्गको अध्यक्षतामा आयोजित कार्यक्रममा अमरगढी नगरपालिका सहकारी शाखा प्रमुख लक्ष्मीदत्त अवस्थी, सुन्दर अमरगढी साकोसका कार्यबाहक अध्यक्ष भवानी दत्त अवस्थी र सहकारी मेनेजर्स क्लव डडेल्धुराका अध्यक्ष लोकेन्द्र ओझा लगायत डडेल्धुरा जिल्लाका साकोसहरुबाट २६ जनाको सहभागिता थियो ।

कार्यक्रममा अमरगढी नगरपालिका सहकारी शाखा प्रमुख अवस्थीले आजको अन्तरक्रिया कार्यक्रम अन्त्यन्त सिकाइपुर्ण रहेको, नेफ्स्कूनले नियामक निकायले गर्नुपर्ने कामहरु गरी सहयोग गरेको बताउनुभयो । उहाँले स्थानीय पालिकाहरुमा निर्वाचित जनप्रतिनिधिहरु अधिकांश सहकारीहरुका पूर्व सञ्चालकहरु भए पनि सहकारी प्रति उदासीन रहेको भन्दै यस किसिमका अन्तरक्रिया कार्यक्रम राख्न अनुरोध गर्नुभयो ।

साथै सहकारीहरुलाई ऐन नियम बमोजिम आफ्ना कार्यविधि निर्माण गरी सोही बमोजिम सदस्यहरुलाई बढीभन्दा बढी सेवा दिन अनुरोध गर्नुभयो । आफुले पालिकाको तर्फबाट सहकारी संघ संस्थाहरुको प्रवर्धन र विकासका लागि  सहकार्य गर्न सधै तयार रहेको बताउनु भयो ।

यसैगरी कार्यक्रममा सहकारी मेनेजर्स क्लवका अध्यक्ष लोकेन्द्र ओझाले सहकारीको शुसाशनमा व्यवस्थापनको भुमिका महत्वपुर्ण हुने भएकाले सवै सहकारीहरुले कर्मचारीको क्षमता विकाशमा लाग्नुपर्ने कुरा राख्नुभयो । यसैगरी कार्यक्रममा अध्यक्ष अवस्थीले सहकारीहरुमा भाखा नाघेको ऋण उच्च हुनाले समस्या आउने गरेको र सहकारीहरुका सञ्चालकहरुले स्वयंसेवी हुनुपर्ने बताउनुभयो ।

कार्यक्रममा जिल्ला बचत संघ डडेल्धुराका अध्यक्ष पदमा गुरुङ्गले साकोस अभियानको निर्विकल्प संघ नेफ्स्कून भएकोले यस बर्ष साझेदारीको सम्झौता गरेको र सबैलाई समेटेर अगाडी बढ्ने प्रतिबद्धता गर्नुभयो । उहाँले नेफ्स्कून सदैव आफ्ना सदस्य संघ संस्थाको हितका लागि प्रयत्नरत रहेको बताउँदै निति, विधि, प्रविधि र संघको प्रत्यक्ष निगरानीमा रहने साकोस सुरक्षित रहेको जनाउनु भयो । साथै सञ्चालक समिति र व्यवस्थापनको ध्यान कसरी सदस्य संघ संस्थाहरुको इच्छा चाहना आफ्ना सेवा व्यवसायमा प्रतिविम्बित गर्न सकिन्छ भन्नेमै रहेको विश्वास दिलाउनुभयो । 

कार्यक्रमको विषयवस्तुमाथि प्रस्तुतीकरण र कार्यक्रममा सहभागीहरुको जिज्ञासाको सम्बोधन संघको डडेल्धुरा सदस्य सेवा कार्यालय प्रमुख धर्मराज जोशीले गर्नुभएको थियो ।