काठमाडौं । नवलपुर गैंडाकोट मुख्य कार्यालय रहेको किसान बचत तथा ऋण सहकारी संस्था लि. को आयोजनमा कार्तिक ११ र १२ गते संस्थाका २४ वटै सेवा केन्द्रलाई समेट्ने गरी २९ औं वार्षिक साधरण सभाको पूर्वसन्ध्यामा १८ वटा विस्तारीत मञ्च कार्यक्रम सम्पन्न भएको छ । 

५००० भन्दा बढी सेयर सदस्यको उपस्थितिमा सम्पूर्ण सेवाकेन्द्रहरुमा सञ्चालक समितिका पदाधिकारी, गठीत विभिन्न उपसमितिका सदस्य, सेवाकेन्द्र व्यवस्थापन उपसमिति, समूह संरचना कार्यक्रम उपसमितिका सदस्यहरु, कर्मचारीहरुको समेत सहभागितामा संस्थाको वर्तमान वित्तीय अवस्था, आर्थिक वर्ष ०८१/०८२ का लागि नीति तथा कार्यक्रमहरु माथि छलफल, सदस्यहरुका प्रतिक्रिया र सुझावहरु संकलन गर्दै उल्लेखित विषयवस्तुहरु समेट्दै थप रणनीतिहरु तय गरी २ दिने विस्तारित मञ्च कार्यक्रम सम्पन्न गरिएको संस्थाका प्रमुख कार्यकारी अधिकृत जिवलाल तिवारीले जानकारी गराउनुभयो ।