महोत्तरी । औरहीस्थित विषहारामाई बचत तथा ऋण सहकारी संस्थाले  लोक आस्थाको महापर्व छठलाई लक्षित गरी आज दुई ठाउँ सोनामाई र अखिलेश्वरनाथ  छठ घाटको सरसफाई गरेको छ। 

महोत्तरीको औरही न पा ७ भोईल स्थित सोनामाई मन्दिको प्राङ्गणमा रहेको पोखरीमा हुने छ्ठ घाट र मन्दिरको वरिपरि त्यस्तै औरही न पा ९  स्थित अखिलेश्वरनाथ छठघाट त्यहाँ स्थित महादेव मन्दिर र त्यहाँको विद्यालयको समेत सरसफाई गरेको संस्थाका सचिव राम नारायण साहले जानकारी गराउनुभयो  ।

सोनामाई छठ घाटमा बिहान ८ बजेदेखि र अखिलेश्वरनाथ छठघाटमा दिउँसो १ बजेदेखि  भएको सरसफाई कार्यक्रमको   उद्घाटन औरही न पा ७ का वडा अध्यक्ष जितेन्द्र यादवले गर्नुभएको थियो । सो कार्यक्रममा सहकारीका सदस्य,पदाधिकारी, कर्मचारी, सहकारीकर्मी, शिक्षक, विद्यार्थी ,स्थानीय राजनीतिकर्मी   स्थानीय युवा, छठ पूजा समिति लगायतको सहभागी रहेको सचिव साहले बताउनुभयो ।

संस्थाले सोनामाइमा विगत ६ वर्षदेखि वर्षदेखि सरसफाई गर्दै आइरहेको छ र अखिलेश्वर नाथमा पहिलो चोटि छठ घाटको सरसफाइ गरेको छ। संस्थाले आगामी सालहरुमा पनि यसलाई  निरन्तरता दिने जनाएको छ ।