दोलखा । दोलखा जिल्ला बचत बचत तथा ऋण सहकारी संघ लि. को आयोजना र नेपाल बचत तथा ऋण केन्द्रीय सहकारी संघ लि. को प्राविधिक सहयोगमा दोलखा जिल्लामा जोखिममा आधारित साकोस सुपरिवेक्ष कार्यक्रममा आबद्ध साकोसहरुबीच १ दिने अन्तरक्रिया कार्यक्रम मंसिर १४ गते सम्पन्न भएको छ । 

जिल्ला संघका अध्यक्ष भूमिराज खड्काको अध्यक्षतामा संचालित उक्त कार्यक्रमको प्रमुख अतिथि बागमती प्रदेश बचत तथा ऋण सहकारी संघ लि. का बरिष्ठ उपाध्यक्ष जिवसराज खड्का रहनुभएको थियो भने कार्यक्रम सहजीकरण नेफस्कूनका सहायक कार्यकारी अधिकृत दुर्गा प्रसाद ढकालको रहेको थियो । 

प्रमुख अतिथि खड्काले दोलखा जिल्लामा स्तरीकरण कार्यक्रमको इतिहाससँगै यसले प्रारम्भिक सहकारीहरुमा के कस्ता परिवर्तन ल्यायो भन्ने विषयमा प्रकाश पार्नुभएको थियो । 

कार्यक्रमका अध्यक्षले सहकारीका विद्यमान समस्याहरु र तिनको समाधानका उपायबारे धारणा राख्नुभएको थियो ।

उक्त कार्यक्रममा २७ ओटा सहकारीहरुबाट ४८ जनाको सहभागिता थियो । प्रत्येक सहभागीहरुले आफ्नो संस्थाको परिचयसँगै संस्थामा भएको समस्याहरुबारे खुलेर छलफल गरी जोखिममा आधारित साकोस सुपरिवेक्षण कार्यक्रमलाई कसरी अगाडी बढाउने र यस आर्थिक वर्षमा कुन कुन तालिमको आवश्यकता छ भन्ने बारे बृहत् छलफल गरेको नेफ्स्कूनका अधिकृत राजन सुवेदीले जानकारी गराउनुभयो ।