काठमाडौं । नेफ्स्कन कञ्चनपुर सदस्य सेवा कार्यालयको आयोजनामा आज मंसिर १७ गते महेन्द्रनगरमा व्यवसाय प्रवर्धनका लागि साकोस व्यवस्थापकहरुसगँ अन्तरक्रिया कार्यक्रम सम्पन्न भएको छ ।

नेफ्स्कूनका सञ्चालक सदस्य दिप्ती शाहीको अध्यक्षतामा सञ्चालित कार्यक्रमको अतिथिहरुमा कञ्चनपुर बचत संघका अध्यक्ष भवानी चन्द, कञ्चनपुर कोअपरेटिभ म्यानेजर्स क्लबका अध्यक्ष गणेश भट्ट, क्लबका पदाधिकारी सहित साकोस ब्यवस्थापकहरुको सहभागिता थियो । 

नेफ्स्कून सञ्चालक दिप्ती शाहीले कार्यक्रममा व्यवस्थापहरुको जिज्ञासाको सम्बोधन गर्नुभएको थियो । उहाँले ब्यवस्थापकहरुलाई साकोसको बलिया खम्बा बताउँदै यस्ता कार्यक्रमहरुमार्फत सिकाइ र अनुभवमा थप निखार आउने दाबी गर्नुभयो । यस्ता कार्यक्रमलाई सिकाइ अवसरका रुपमा लिन उहाँले आग्रह गर्नुभयो । नेफ्स्कूनका वस्तु तथा सेवाबाट अधिकतम लाभ लिन आग्रह गर्नुभयो ।

कार्यक्रममा संघका बस्तु तथा सेवा, व्यावसायिक क्रियाकलाप आदिबारे  नेफस्कून कञ्चनपुर सदस्य सेवा कार्यालय प्रमुख यम डाँगीले सहजीकरण गर्नुभएको थियो । कञ्चनपुर म्यानेजर्स क्लबलाई कसरी सिकाइ तथा असल अभ्यासको प्लेटफर्म बनाउन सकिन्छ भन्ने बिषयलाई जोड दिदै क्लबको बार्षिक साधारणसभा गर्ने निर्णयका साथै विविध विषयमा निर्णय समेत भएको छ ।

बचत संघका अध्यक्षले सम्पूर्ण ब्यवस्थापकलाई नेफस्कूनसँग जोडिएर वित्तीय सेवाको लाभ लिन आग्रह गर्नुका साथै, केन्द्रिय संघहरु सँग जोडिएर बचत संघ काम गर्न तयार रहेको पनि बताउनु भयो ।