काठमाडौं । विराटनगर ३ कञ्चनबारीस्थित अभिवादन बचत तथा ऋण सहकारी संस्थाको आयोजना तथा नेफ्स्कूनको प्राविधिक सहजीकरणमा पुस १० गते एक दिवसीय अभिमुखीकरण कार्यक्रम सम्पन्न भएको छ । कार्यक्रममा सञ्चालक समिति, लेखा सुपरिवेक्षण समिति, ऋण उपसमिति, शिक्षा उपसमितिसहित ३४ महिला र ११ पुरुषको सहभागिता थियो । अभिमुखीकरणमा सहकारीका आधारभूत विषयमा साझा बुझाइ निर्माण, जोखिम व्यवस्थापन, सञ्चालक समिति, लेखा सुपरिवेक्षण समिति, उपसमिति तथा सदस्यहरुको काम, कर्तव्य र अधिकार, संस्थागत दिगोपना, सदस्य सन्तुष्टिका आधारहरु आदिबारे नेफ्स्कूनका अधिकृत रामकृष्ण भट्टराईले सहजीकरण गर्नुभएको थियो । 

४२५ सदस्य रहेको समुदायमा आधारित र सदस्य केन्द्रीत अभिवादन साकोसको कुल सम्पत्ति २ करोड बढी रहेको छ । साकोसले मिरा सफ्टवेयर प्रयोग गरेको छ । साकोसकी कोषाध्यक्ष एवम् शिक्षा उपसमिति संयोजक प्रतिमा खतिवडाले समापन मन्तव्य राख्नुभएको नेफ्स्कूनकी बरिष्ठ सहायक विन्दा भट्टराइले जानकारी गराउनुभयो ।