रुपन्देही । नेपाल बचत तथा ऋण केन्द्रीय सहकारी संघ लि.(नेफ्स्कून) रुपन्देही सदस्य सेवा कार्यालयको आयोजनामा सहकारी संघ संस्थाहरुका लागि वित्तीय परापर्श तालिम प्रदान गरिएको छ । वैशाख १५ र १६ गते, दुई दिन सञ्चालित तालिममा रुपन्देही, नवलपरासी, कपिलवस्तु र गुल्मी जिल्लाका गरि २४ सहकारीबाट ३४ जनाको  सहभागिता रहेको थियो । 

तालिम नेफ्स्कूनकी सञ्चालक एवं रुपन्देही सदस्य सेवा कार्यालय व्यवस्थापन उपसमिति संयोजक ज्ञानु पौडेलको अध्यक्षतामा भएको थियो ।

कार्यक्रमकी प्रमुख व्यक्ति ज्ञानु पौडेलले संघले सदस्य संस्थाहरुका सवै पक्ष, समिति, उपसमिति तथा व्यवस्थापनमा रहि कार्यगर्ने सवैका लागि विविधिकरण सहितका तालिम सञ्चालन गर्दै आईरहेको र त्यस्ता तालिमहरुमा आवश्यकता र पूर्ण ताजगीकरणका लागि सबैको सहभागिता अनिवार्य रहनुपर्नेमा जोड दिनुभयो । तालिममा सहभागी प्रतिनिधिहरु साथै सम्बद्ध साकोसहरुलाई सहभागी भएकोमा धन्यवाद व्यक्त गर्नुभयो । वित्तीय परापर्श तालिमले सहभागी लगायत संस्थाका सवै सदस्यहरुमा ज्ञान अभिवृद्धि गर्न, सीप विकास गर्न र आचरण सुधारमा थप योगदान पुर्याउन सहयोग गर्ने विश्वास व्यक्त गर्नुभयो । साथै संस्था र सदस्यबीचको सम्बन्ध सुदृढ बनाउन तथा सहकारीका मुल्य मान्यताको पूर्ण परिपालनामा तालिम उपयोगी रहने बताउनभुयो ।

तालिमको सहजीकरण नेफ्स्कूनका तालिम अधिकृत रविन्द्र श्रेष्ठले गर्नुभएको थियो । तालिममा सहभागीको तर्फबाट आफ्नो अनुभव राख्दै प्रशिक्षार्थी चेतनारायण चौधरी र नन कुमारी छन्त्यालले तालिमले थप जिम्मेवारी वोध गराएको, वित्तीय ज्ञान र प्रयोग सम्बन्धी सकारात्मक उर्जा थपेको बताउँदै तालिम आयोजनाका लागि नेफ्स्कूनलाई धन्यवाद व्यक्त गर्नुभएको थियो । 

तालिम सञ्चालन कार्यालयका व्यवसाय अधिकृत पवनजंग मल्लले गर्नुभएको थियो भने व्यवस्थापन सहयोग नेत्र प्रसाद सापकोटा र प्रकाश लुहारले गर्नुभएको थियो ।