पोखरा । बंगलादेश बचत तथा ऋण केन्द्रीय सहकारी संघ सीसीयूएलबीको नेपाल भ्रमण टोलीलाई पोखरा महानगरपालिका १९, पुरुन्चौरस्थित जनसेवा साकोसले स्वागत गरेको छ । 

जनसेवा साकोसका कार्यबाहक अध्यक्ष बिष्णुप्रसाद अधिकारीको अध्यक्षतामा आयोजित अतिथि सत्कार तथा अन्तरक्रिया कार्यक्रममा सीसीयूएलबीको भ्रमण टोली, साकोसका पुर्व अध्यक्षहरु, सञ्चालक समिति, लेखा सुपरिवेक्षण समिति, नेफ्स्कूनका सञ्चालक र कर्मचारी सहित साकोसका कर्मचारीहरुको उपस्थिति रहेको थियो । 

वैशाख २३ गते विहान साकोसको सभाहलमा आयोजित कार्यक्रममा साकोसका निवर्तमान अध्यक्ष लिलाधर अधिकारीले स्वागत मन्तब्य राख्न्नु भएको थियो भने व्यवस्थापक प्रेमसागर अधिकारीले संस्थाको संस्थागत प्रस्तुती राख्नु भएको थियो । 

नेफ्स्कूनका सञ्चालक कमलादेवी गिरीले जनसेवा साकोस समुदायमा आधारीत रहेर सदस्यको मनमनमा बस्न सफल भएको र यसले विभिन्न समयमा विभिन्न राष्ट्रिय तथा क्षेत्रीय पुरस्कारहरु साथै नेफ्स्कूनद्वारा प्रवर्द्धित गुणस्तर प्रमाणीकरण कार्यक्रम प्रोवेसन ब्राण्ड समेत प्राप्त गर्न सफल भएको जानकारी गराउनुभएको थियो । साथै सीसीयूएलबी टोलीलाई स्वागत गरेकोमा जनसेवा साकोस परिवारलाई नेफ्स्कूनको तर्फबाट धन्यवाद ब्यक्त गर्नुभएको थियो । कार्यक्रम सञ्चालन संस्थाका सचिव दानबहादुर भुजेलले गर्नु भएको थियो ।

बंगलादेशका सहकारीकर्मीहरुद्वारा जनसेवा साकोसमा तेस्रो अवलोकन भ्रमण भएको जानकारी गराउँदै निवर्तमान अध्यक्ष लिलाधर अधिकारीले दुई देशबिचको सिकाई आदानप्रदानका लागि नेफ्स्कून र सीसीयूएलबी बीचको सद्भाव भ्रमण अत्यन्त महत्वपूर्ण भ्रमणका रुपमा रहको प्रष्ट पार्नुभएको थियो ।  

कार्यक्रममा सीसीयूएलबीका प्रतिनिधिहरु द कोअपरोटिभ क्रेडिट युनियन लिग अफ बंगालादेश ढाका, अहसान कविर, अतिरिक्त रजिस्ट्रार सहकारी विभाग ढाका, अब्दुल आहेव सह रजिस्ट्रार सहकारी कार्यालय लगायतका प्रतिनिधिहरुले धन्यवाद ब्यक्त गर्नुभएको थियो । 

संस्थाका कार्यवाहक अध्यक्ष विष्णुप्रसाद अधिकारीले बंगालादेशका सहकारीकर्मीहरु लगायत नेफ्स्कून परिवार र उपस्थितत सम्पूर्णमा धन्यवाद ब्यक्त गर्दै आगामी दिनमा पनी निरन्तर साथ र सहयोगको अपेक्षा सहित यस्ता कार्यक्रमहरुलाई निरन्तरता दिने प्रतिवद्धता ब्यक्त गर्नूभएको थियो । 

जनसेवा साकोस कास्की जिल्लाकै पुरानो र समुदायमा आधारीत संस्था हो । साकोसले समुदायमा आधारीत रहेर आफ्ना कार्यक्षेत्र भित्रका सदस्यहरुलाई वित्तिय सेवाहरु प्रदान गदैै आईरहेको छ । पोखरा १९ पुरुन्चौरमा मुख्य कार्यालय रहेको साकोसको पोखरा १ बगरमा सेवा केन्द्र रहेको छ । हाल साकोसमा २ हजार ४ सय ७१ सेयर सदस्य, रु. ४३ करोड ४३ लाख कुल सम्पत्ती, रु.३४ करोड ७० लाख संस्थागत पूँजी र रु. ३२ करोड ५० लाख ऋण लगानी रहेको साकोसका व्यवस्थापक प्रेमसागर अधिकारीले साकोस आवाजलाई जानकारी गराउनुभयो ।