बर्दिया-ठाकुरबाबा नगरपालिका–१ भुरीगाउँ मुख्य कार्यालय रहेको सिको बचत तथा ऋण सहकारी संस्था लि.ले सदस्यहरुलाई सहकारी शिक्षाका कार्यक्रमहरुमा निरन्तर जोडिरहेको छ । 

सहकारीका मालिक सेयर सदस्य हुन्, जवसम्म सदस्यहरु सहकारी संस्थाको अवस्था, सञ्चालन प्रक्रिया र बचत सदुपयोगिताको बारेमा जानकार हुँदैनन्, तबसम्म सहकारी संस्था दिगो, सुशासित र मर्यादित बन्न सक्दैन । त्यसैले सिको साकोसले सदस्यमैत्रि शिक्षा र सदस्यमैत्रि सेवालाई निरन्तर जोड्दै अगाडि बढिरहेको छ ।

सदस्य केन्द्रीत सेवा साकोसको प्रमुख प्राथमिकता हो । साकोसले सदस्यहरुको जीवनस्तर उकास्न “उद्यमशिलता मार्फत जीवन परिवर्तन, आर्थिक सम्मुन्नतीको आधार बचत” भन्दै सदस्यहरुलाई आफ्नै कमाईबाट नियमति बचतका लागि अभिप्रेरित गर्दै आइरहेको छ भने सिको महिला जीवीकोपार्जन क्ल्वहरु निर्माण गरि सदस्यहरुलाई उद्यमी र व्यवसायिक बनाउन अहम भूमिका खेलेको छ । लुम्बिनी प्रदेश, बर्दिया जिल्ला कार्यक्षेत्र रहेको सिको साकोस समुदायमा आधारित साकोस हो । 

साकोसले “सदस्यसँग सिको कार्यक्रम“ को निरन्तरता दिँदै जेठ २७ गते मंगलबार पनि विस्तारित मञ्च तथा सहकारी शिक्षा कार्यक्रम सञ्चालन गरेको छ । सिर्जना सेवाकेन्द्र बर्गदामा आयोजित विस्तारित मञ्च तथा सहकारी शिक्षा कार्यक्रममा ७२ जना सदस्यहरु सहभागी थिए । कार्यक्रममा निम्न बमोजिमका विषयहरुमा छलफल गरिएको थियो । 

छलफलका विषयहरु :
 – २०८२ वैशाख मसान्तसम्मको संस्थाको वित्तीय अवस्था,
 – नियमित बचत र त्यसको महत्व,
 – बचत तथा ऋण सेवाका प्रकारहरू, तिनको महत्व र वर्तमान ब्याजदर अवस्था,
 – ऋण प्रयोग गर्नका लागि आवश्यक न्यूनतम योग्यता, आधारहरू, प्रक्रियाहरू र आवश्यक कागजातहरू सम्बन्धमा,
 – ऋण स्वीकृतिका क्षेत्र/अधिकार सम्बन्धमा,
 – संस्थाका अन्य विविध सेवा र संस्थाको सामाजिक उत्तरदायित्व सम्बन्धमा,
 – संस्थाप्रति असल सदस्यको कर्तव्य र सदस्यले पालना गर्नुपर्ने कुराहरु सम्बन्धमा ।