सुनसरी। नेपाल बचत तथा ऋण केन्द्रीय सहकारी संघ लि.(नेफ्स्कून) सुनसरी सदस्य सेवा कार्यालयको आयोजनामा इटहरीमा सहकारीहरुका लागि मिरा सफ्टवेयर सम्बन्धी अभिमुखिकरण प्रदान गरिएको छ । अभिमुखिकरण कार्यक्रममा कोशी प्रदेश अन्तर्गत तेह्रथुम, धनकुटा, झापा, मोरङ, सुनसरी जिल्लाबाट गरी विभिन्न सहकारीहरुको सहभागिता रहेको थियो । इटहरीमा असार ३ गते सम्पन्न कार्यक्रम नेफ्स्कूनका महासचिव घनश्याम अधिकारीको अध्यक्षतामा भएको थियो । कार्यक्रममा नेफ्स्कूनका सञ्चालक लक्ष्मी सापकोटा, शालिकराम ढकाल, नेफ्स्कूनका सहायक कार्यकारी अधिकृत गणेश प्रसाद तिमिल्सिना, नियोसिस प्रा. लि.का सिईओ मनोज तिवारी लगायत कोशी प्रदेश अन्तर्गत ५ जिल्लामा सञ्चालित सहकारीका प्रतिनिधिहरुको उत्साहजनक उपस्थिति रहेको थियो ।  

नेफ्स्कूनका महासचिव अधिकारीले सहकारीको समसामयिक विषय, प्राधिकरणद्वारा जारी सहकारी मापदण्डको विषयमा जानकारी गराउँदै मापदण्डमा उल्लेखित असहज व्यवस्थाहरुको संशोधनको लागि संघ र समग्र अभियानको ऐक्यबद्धता सहित सम्बन्धित निकायसँग वहश तथा पैरवी साथै साकोसको हितमा अघि बढेको बताउनुभयो ।

साथै उहाँले मिरा इआरपी सफ्टवेयरको विशेषता, फिचरहरु अत्यन्त प्रभावकारी रहेको र सफ्टवेयरले सदस्यहरुमा उच्च प्रविधियुक्त सेवा विस्तार गर्न सकेकोले आज सफ्टवेयरको प्रयोगकर्ताहरु बढ्दो रुपमा रहेको बताउँदै मिरा सफ्टवयेर प्रयोग गरि एकीकृत प्रविधि प्रयोगको फाइदा लिन सम्पूर्ण साकोसहरुलाई अनुरोध गर्नुभयो । 

नेफ्स्कूनका सहायक कार्यकारी अधिकृत गणेश प्रसाद तिमिल्सिनाले कार्यक्रमको औचित्य तथा उद्देश्य, मिरा सफ्टवेयरका विशेषताहरुबारे बताउदै साकोस अभियानको सफट्वेयर सबैले प्रयोग गर्न अनुरोध गर्नु भयो । मिराको सबै भन्दा ठुलो प्रयोगकर्ता नेफ्स्कून रहेको र आवश्यक सबै कुराको एक मात्र सोलुसनको रुपमा मिराले काम गर्न सक्ने विषयलाई उहाँले जोड दिनुभएको थियो । 

नियोसिस प्रा. लि.का सिईओ मनोज तिवारीले प्रविधिको पुरानो ईतिहास देखि वर्तमान प्रविधिमा भएको फरकता, मिराका फायदा, Saas Model (software as a service) को रुपमा नेपालकै पहिलो र उच्चतम सुरक्षा प्रणाली सँगै Advance Architecture को प्रयोग गरिएको, मिरा क्याउड सफट्वेयर सबै भन्दा सस्तो रहेको बताउनुभयो ।

सहभागी वक्ताहरुले मिरा सफ्टवेयरका सबल पक्षहरु र यसको लागतलाई हेर्दा सफ्टवेयर प्रभावकारी र सरल रहेको पाइएको विचार व्यक्त गर्दै आगामी आर्थिक बर्षमा सफ्टवेयर परिवर्तन गर्न चाहनेहरुका लागि मिरा सफ्टवेयर उपयुक्त सोलुसन भएको विचार व्यक्त गर्नुभएको थियो । 

नेफ्स्कून सञ्चालक लक्ष्मी सापकोटा र  शालिकराम ढकालले मिरा सफ्टवेयर प्रविधिमा One stop solution भएको, यसको विशेषता र सबल पक्षलाई हेर्दा विश्वस्त हुन सकिने पर्याप्त आधारहरु भएकोले हामी सबैलेनै ढुक्कका साथ मिरा सफ्टवेयर प्रयोग गर्न सकिने विचार व्यक्त गर्नुभएको थियो । 

कार्यक्रम समापन सँगै विभिन्न १४ वटा बचत तथा ऋण सहकारी संस्थाहरुले मिरा सफट्वयर प्रयोगका लागि आफूहरु तयार रहेको विचार प्रस्तुत गर्नुभएको थियो । 

नवयुग साकोस, मोरङका व्यवस्थापक सुमन ढकालले मिरा प्रयोग गरेको १ वर्ष माथि भएको र अरु सफ्टवेयर भन्दा मिरा सफट्वयर धेरै गुणा अब्बल, सुरक्षित, पारदर्शी, सपोर्ट सर्भिस र नयाँ विषयवस्तु अपडेट र रिस्पोन्सका विषयमा जानकारी गराउँदै
उपस्थित सहभागि साकोसलाई छिटो जडान गर्न र लाभ लिन हौशला दिनुभएको थियो ।

७ वटै प्रदेश अन्तर्गत ६६ जिल्लामा विस्तार भएको मिरा सफ्टवेयरले हालसम्म ५१८ सहकारीमा एकीकृत प्रविधि सेवाको पहुँच पुर्याउन सफल भएको छ ।  

कार्यक्रमको व्यवस्थापन सुनसरी सदस्य सेवा कार्यालय प्रमुख रिसभ राज रेग्मी, लेटाङ सेवा केन्द्र प्रमुख गणेश भण्डारी र प्राविधिक सहयोग मिलन कोइरालाले गर्नुभएको थियो ।