काठमाडौं । बाबियाखर्क बचत तथा ऋण सहकारी संस्था लि. नयाँ आर्थिक वर्ष को शुभारम्भसँगै जोरपाटी सेवा केन्द्र अन्तर्गत महिला सेयर सदस्य लक्षित उत्प्रेरणा कार्यक्रम शुक्रबार सम्पन्न गरेको छ ।

५५ जना महिला सदस्यहरुको उपस्थिति रहेको उक्त कार्यक्रममा साकोसका आर्थिक गतिबिधिहरु तथा  साकोसले सञ्चालन गरेका क्रमिक प्रकृतिका बचतहरु जस्तै अनिवार्य मासिक बचत, आरोग्य बचत, तीज बिशेष बचत, बाल बचत, दानपुण्य बचत, दीर्घ जीबन बचतका बारेमा जानकारी गराइएको थियो ।

 
कार्यक्रममा महिला उपसमितिकी संयोजक श्रीभा नेपालले साकोसमा आवद्ध महिला सदस्यहरुलाई सहकारीप्रति अपनत्ववोध र सकारात्मक बनाउने उद्देश्यसहित विगतका वर्षहरु देखि नै यस्ता कार्यक्रमहरु आयोजना गरिँदै आएको बताउनुभयो ।  

सहकारीका सेयर सदस्यहरु नै सहकारीका मालिक हुन् भन्ने कुरा बुझाउन सकेमात्र सदस्यहरु नियमित रुपमा संस्थामा आउने, सहकारीका वित्तीय तथा गैरवित्तिय क्रियाकलापमा जानकार रहने उहाँले बताउनुभयो । 

कार्यक्रममा उपस्थित सेयर सदस्य महिलाहरुले एक आपसमा मेहन्दी लगाएर आत्मियता साटासाट साथै श्रावण महिनाको शुभकामना समेत आदान प्रदान गर्नुभएको थियो ।