सर्लाही  । चमेली बचत तथा ऋण सहकारी संस्था लि. ईश्वरपुर  ७ ,सर्लाहीको आयोजना र जर्मन स्पार्कसेन्स्टिफ्टुङ्ग (German Sparkassenstiftung) को सहयोग तथा नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहजीकरणमा दुई दिवसीय बचत खेल तालिम भाद्र १६ र १७ गते चमेली साकोसको कार्यालय वयलवास सर्लाहीमा सम्पन्न भएको छ । 

कार्यक्रमको अध्यक्षता साकोसका उपाध्यक्ष प्रमिला देवी थरुनीले व्यानर पढेर उद्घाटन गर्नु भएको कार्यक्रममा बचत खेल तालिमले सहभागीहरूबीच बचत व्यवहार, वित्तीय योजना, र समूह गतिशीलतामा व्यावहारिक अन्तर्दृष्टि प्रदान गर्नुको साथै वित्तीय निर्णय लिन सहजता प्रदान गरेको विश्वास सहभागीहरुले व्यक्त गर्नुभएको थियो । 

तालिमको मुख्य उद्देश्य कर्मचारीहरुमा वित्तीय साक्षरता अभिवृद्धि गर्नुका साथै उनीहरुलाई व्यवहारिक रूपमा बचत र खर्च व्यवस्थापनका सिप बारे प्रशिक्षण गराई सदस्यहरुलाई सिप हस्तान्तरण गर्न सक्ने बनाउनु हो, कार्यक्रम संचालन उद्यम अधिकृत कमलेश्वर प्रसाद साहले गर्नुभएको थियो भने प्राविधिक सहजीकरण नेफ्स्कूनका कार्यक्रम अधिकृत प्रकाश अधिकारी र विदुर खड्काले गर्नुभएको तालिममा संचालक र कर्मचारी सहित २५ जनाको सहभागिता रहेको थियो  ।