नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारीहरुका लागि ल्याएको नियमित निरिक्षण अनुगमन (स्क्यान) कार्यक्रम पिसल्याण्ड बचत तथा ऋण सहकारी संस्था लिमिटेड, काठमाडौं १५, स्वयम्भुसंग सम्झौता भएको छ ।  

संघको ३८औं स्थापना दिवसको दिन सार्वजनिक भएको नियमित निरिक्षण अनुगमन कार्यक्रम (स्क्यान) ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो ।

आबद्ध संघ संस्थाहरुको नियमित रुपमा निरिक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित, एक्सेस,प्रोबेसन तथा कब्र्स कार्यक्रमको सिकाइका आधारमा विकास गरिएको कार्यक्रम स्क्यानले आबद्ध सबै संस्थालाई अनुगमन सुपरिवेक्षण गर्ने लक्ष्य राखेको छ । 

पिसल्याण्ड साकोसका अध्यक्ष सिता ढुंगाना,लेखा सु.समिति संयोजक विष्णु प्रसाद रेग्मी,नेफ्स्कून संचालक समिति सदस्य नबराज अर्याल,कलंकी सदस्य सेवा कार्यालयका ईन्चार्ज मनोज कार्की, व्यवसाय सहायक दिपेश अधिकारीको रोहबरमा प्रथम पक्ष संघको तर्फबाट अधिकृत सौभाग्य भट्टराई,द्रोस्रो पक्ष साकोसको तर्फबाट व्यवस्थापक पुष्पा नेपालको हस्ताक्षर र छापबाट सम्झौता सम्पन्न भएको थियो ।