नेपाल बचत तथा ऋण केन्द्रीय सहकारी संघ लिमिटेड (नेफ्स्कून) द्वारा शुभ चन्द्रसूर्य बचत तथा ऋण सहकारी संस्था लिमिटेड, उर्लाबारीको  स्थलगत सुपरिवेक्षण कातिक १२ गते सम्पन्न भएको छ ।

नेफ्स्कूनले सहकारी संस्थाहरूमा पारदर्शिता, उत्तरदायित्व, सदस्य हितको सुनिश्चितता, जोखिम न्यूनीकरण, सुशासन र दिगोपनाको प्रवद्र्धन गर्ने उद्देश्यले देशभरका सहकारीहरूको स्थलगत सुपरीवेक्षण कार्यलाई निरन्तररूपमा अघि बढाइरहेको छ ।

अनुगमनका क्रममा संस्थाको स्तरीकरणका लागि आवश्यक विभिन्न सूचकहरू — कर्जा, बचत, ब्याजदर, वार्षिक योजना, सम्पत्ति शुद्धिकरण निवारण नीति, नियामक निकायका निर्देशनहरूको पालना, भाखा नाघेका ऋणको असुली, पूँजी प्रयाप्तता अनुपात लगायतका विषयमा विस्तृत मूल्याङ्कन गरिएको थियो ।  कार्यक्रममा आबद्ध रहेको प्रगति साकोसको कानुनी जोखिम, वित्तीय जोखिम, ऋण जोखिम, तरलता जोखिम, संचालन तथा सुशासन सम्बन्धी जोखिमहरूमा केन्द्रित रही संस्थाको समग्र जोखिम न्यूनीकरणका लागि व्यावहारिक सुधारात्मक सुझावहरू प्रदान गरिएको थियो ।

 
सुपरिवेक्षणमा नेफ्स्कूनका तर्फबाट बरिस्ठ अधिकृत भारत प्रसाद न्यौपाने र अधिकृत रिसभ राज रेग्मी सहभागी रहनु भएको थियो । संस्थाको तर्फबाट अध्यक्ष दुर्गरम कार्की ,उपाध्यक्ष शिव वहादुर निरौला ,सचिब डिल्लीराम दाहाल ,कोशाध्यक्ष क्षितिज ढकाल लगायत सम्पूर्ण संचालक सदश्य र कर्मचारीको उपस्थितिमा छलफल सम्पन्न भएको थियो । संस्थाले स्थलगत अनुगमन टोलिले दिएका रचनात्मक सुझाबहरु सुधार गर्नका लागि एउटा निश्चित कार्य योजना तयार गरि कार्यान्वयन गर्ने सहमति सहित निर्णय गरिएको छ ।