नबलपरासी । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारीहरुका लागि ल्याएको नियमित निरिक्षण अनुगमन (स्क्यान) कार्यक्रम नवलपरासी मध्यविन्दु –१० , अरूण खोलामा रहेको  नयाँ वेलहानी महिला बचत तथा ऋण सहकारी संस्था लिमिटेडसँग असोज १२ (आज) सम्झौता भएको छ ।   

संघको ३८औं स्थापना दिवसको दिन सार्वजनिक भएको नियमित निरिक्षण अनुगमन कार्यक्रम (स्क्यान) ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो । 

आबद्ध संघ संस्थाहरुको नियमित रुपमा निरिक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित, एक्सेस,प्रोबेसन तथा कब्र्स कार्यक्रमको सिकाइका आधारमा विकास गरिएको कार्यक्रम स्क्यानले आबद्ध सबै संस्थालाई अनुगमन सुपरिवेक्षण गर्ने लक्ष्य राखेको छ ।  

वेलाहानी महिला बचत तथा ऋण सहकारी संस्था लिमिटेडका अध्यक्ष राधा ढकाल, कृष्णदेबी पौडेल,विष्णु ढकाल,लक्ष्मी काफ्ले,नेफ्स्कून सदस्य सेवा कार्यालय प्रमुख यमकला सुवेदी,बरिष्ठ सहायक केदारनाथ अधिकारी र सहायक सन्तोष अधिकारीको उपस्थितिमा सम्झौता सम्पन्न भएको थियो ।