नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारीहरुका लागि ल्याएको नियमित निरिक्षण अनुगमन (स्क्यान) कार्यक्रम जिवन सहारा साकोस कलैया उ. म.न. पा. ०५ बरेवा  बारा   (स्क्यान) कार्यक्रममा आबद्व भएको छ ।   

संघको ३८औं स्थापना दिवसको दिन सार्वजनिक भएको नियमित निरिक्षण अनुगमन कार्यक्रम (स्क्यान) ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो । 

आबद्ध संघ संस्थाहरुको नियमित रुपमा निरिक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित, एक्सेस,प्रोबेसन तथा कब्र्स कार्यक्रमको सिकाइका आधारमा विकास गरिएको कार्यक्रम स्क्यानले आबद्ध सबै संस्थालाई अनुगमन सुपरिवेक्षण गर्ने लक्ष्य राखेको छ । 

जीवन सहारा  बचत तथा ऋण सहकारी संस्था लिमिटेडका अध्यक्ष रामाधार ठाकुर, उपाध्यक्ष रामनारायण प्रसाद यादव, सचीव प्रभु यादव, व्यवस्थापक सुनिल यादव र संघको तर्फबाट   नेफ्स्कून पर्सा सदस्य सेवा कार्यालय ईन्चार्ज दीपेन्द्र साह, सहजकर्ता रामानन्द प्रसाद यादवको उपस्थितिमा सम्झौता सम्पन्न भएको थियो ।