मकवानपुर । नेपाल बचत तथा ऋण केन्द्रिय सहकारी सघं लि. (नेफ्स्कुन) ले सहकारीहरुका लागि ल्याएको नियमित निरिक्षण अनुगमन (स्क्यान) कार्यक्रम मकवानपुरमा एकै दिन दुई साकोस प्रभात महिला बचत तथा ऋण सहकारी संस्था लिमिटेड मकवानपुरगढि गाउँपालिका ८, र जनजागृति महिला बचत तथा ऋण सहकारी संस्था लिमिटेड मकवानपुरगढि गाउँपालिका ७, स्क्यान कार्यक्रममा आबद्ध भएको छन् । 

संघको ३८औं स्थापना दिवसको दिन सार्वजनिक भएको नियमित निरिक्षण अनुगमन कार्यक्रम (स्क्यान) ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो ।

मकवानपुरबाट दुई साकोस आबद्ध भएका छन । जस्मा प्रभात महिला साकोसका अध्यक्ष गमला बि.क, सञ्चालक समित, लेखा समिति, ब्यवस्थापक बिनु योञ्जन तथा जनजागृति महिला साकोस अध्यक्ष हिरा स्याङतान, ब्यवस्थापक भगवती पुडासैनी , नेफ्स्कूनको तर्फबाट मकवानपुर सदस्य सेवा कार्यालय ईन्चार्ज ज्योति महत, चितवन सदस्य सेवा कार्यालय सहायक सुरेन्द्र श्रेष्ठ, मकवानपुर सदस्य सेवा कार्यालय सहायक अमन बिडारीको उपस्थितिमा सम्झौता सम्पन्न भएको थियो ।