ललितपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) सदस्य सेवा कार्यालयको आयोजनामा एक दिवशिय पूँजीकोष पर्याप्तता विश्लेषण तालिम असोज ३० गते ललितपुरमा सम्पन्न भएको छ । 

सहकारी संस्थाको हितका लागि र सहकारी संस्था बचाइराख्न समयमा प्रतिवेदन पठाउनको लागि सहजिकरण हुने बचत तथा ऋणको विषयमा पोख्त बनाएर आर्थिक समृद्धिका लागि साथै सदस्यहरुको जीवन शैलीमा परिवर्तन ल्याउन यस तालिमको आयोजना गरिएको हो । 

तालिमका सहभागीहरुले तालिम निकै नै फलदायी रहेको र आँफूले यस तालिममा सिकेका कुराहरुलाई आफ्नो कार्यालयमा गएर कार्यान्वयन गराउने प्रतिवद्धता व्यक्त गर्नुभएको थियो । 
सहकारी संस्थाबाट ३० भन्दा माथिको सहभागिता रहेको तालिमको शुरुवातमा संघका प्राचार्य बल्लभ तिमिल्सीनाले तालिमको औचित्यतामाथि प्रकाश पार्दै  हाल सहकारी संस्थाहरुको लागि उक्त तालिम अपरिहार्य रहेको बताउनुभयो । सहजीकरण नेफ्स्कूनका तालिम अधिकृत उमेश कोइरालाले गर्नुभएको थियो भने सञ्चालन ललितपुर सदस्य सेवा कार्यालय इन्चार्ज कल्पना पराजुलीले गर्नुभएको थियो । विभिन्न संस्थाका सञ्चालक समिति एवं व्यवस्थापनबाट सहभागिता रहेको उक्त तालिमको समापन संघका सञ्चालक सदस्य एवं ललितपुर सदस्य सेवा कार्यालय उपसमिति संयोजक देवकुमार श्रेष्ठले गर्नुभएको थियो ।