पर्सा ।   नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारीहरुका लागि ल्याएको नियमित निरिक्षण अनुगमन (स्क्यान) कार्यक्रम तराई उत्थान साकोस बिरगंज महानगरपालिका ०६, पर्सा कार्तिक १९ गते आबद्व भएको छ ।   

आबद्ध संघ संस्थाहरुको नियमित रुपमा निरिक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित, एक्सेस,प्रोबेसन तथा कब्र्स कार्यक्रमको सिकाइका आधारमा विकास गरिएको कार्यक्रम स्क्यानले आबद्ध सबै संस्थालाई अनुगमन गर्ने लक्ष्य राखेको छ ।  

तराई उत्थान  बचत तथा ऋण सहकारी संस्था लिमिटेडका अध्यक्ष अमित कुमार सर्राफ  व्यवस्थापक मुरारी कुमार  सर्राफ,नेफ्स्कूनको तर्फबाट  पर्सा  सदस्य सेवा कार्यालय ईन्चार्ज दीपेन्द्र साह,सहायक लालु कुमार यादव सहजकर्ता रामानन्द प्रसाद यादवको उपस्थितिमा सम्झौता सम्पन्न भएको थियो ।

सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो । यस कार्यक्रमले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ ।