बुटबल । लुम्बिनी बचत तथा ऋण सहकारी संस्था लिमिटेड बुटवल ४ राम मन्दिर लाइन रुपन्देही द्वारा सञ्चालक तथा समिति सदस्यहरूको क्षमता विकास गर्ने उद्देश्यले कार्तिक २१ गतेदेखि २४ गतेसम्म सञ्चालित भएको “सञ्चालक क्षमता अभिवृद्धि तालिम” एक विशेष कार्यक्रमका बीच कार्तिक २४ गते तानसेन पाल्पामा सम्पन्न भएको छ ।

तालिममा कुल १४ जना सञ्चालक तथा समिति सदस्यहरू र कर्मचारीहरुको सहभागिता रहेको थियो । तालिममा बचत तथा ऋण सहकारीको सुशासन, नीति तथा निर्णय प्रक्रिया, वित्तीय व्यवस्थापन, सदस्य सेवा, पारदर्शिता तथा सञ्चालकहरुको काम कर्तव्य र अधिकारहरु लगाएतका संस्था सञ्चालन प्रक्रियाहरुको महत्वपूर्ण विषयहरू समेटिएको थियो ।

समापन समारोहका प्रमुख व्यक्तित्व तथा संस्थाका निवर्तमान अध्यक्ष एवम् संरक्षक महेश्वर प्रसाद श्रेष्ठले सहकारी संस्थाको दिगो विकासका लागि सक्षम नेतृत्व, पारदर्शिता र उत्तरदायित्वपूर्ण कार्यशैली आवश्यक रहेको उल्लेख गर्दै तालिमबाट सिकेका ज्ञान र सीपलाई व्यवहारमा उतार्न आग्रह गर्नुभयो ।
संस्थाका अध्यक्ष त्रिविक्रम श्रेष्ठ ले तालिम सफलतापूर्वक सम्पन्न गर्न सहयोग गर्ने सबैमा धन्यवाद व्यक्त गर्दै सहकारीलाई सदस्यमैत्री, सेवा उन्मुख र सुदृढ बनाउन संस्थाले निरन्तर क्षमता विकासका गतिविधिहरू अगाडि बढाइरहने प्रतिबद्धता व्यक्त गर्दै तालिममा सिकेका विषयहरु र कार्य योजना संस्थामा लागु गर्ने प्रतिवद्धता व्यक्त्त गर्नुभयको थियो ।

तालिम कार्यक्रमको सहजीकरण नेफ्स्कूनका विभागीय प्रमुख दुर्गा प्रसाद ढकाल र तालिम अधिकृत उमेश कोइरालाले गर्नुभएको थियो ।