धुलिखेल । नेपाल बचत तथा ऋण सहकारी संघ लिमिटेड (नेफ्स्कून) को आयोजनामा उत्कृष्ट सदस्य सेवाको लागि स्मार्ट व्यवहार तालिम कार्तिक २८ गते सम्पन्न भएको छ । 

संघमा सम्पूर्ण कार्यालयमा कार्यरत ३१ जना सहायक स्तरका कर्मचारीहरूको सहभागितामा दुई दिवशीय तालिम सम्पन्न भएको हो । 

संघका प्रमुख कार्यकारी अधिकृत डा.शिवजी सापकोटाले संघले कर्मचारीहरूको क्षमता विकासमा पर्याप्त अवसर उपलव्ध गराउदै आएको र कर्मचारीहरूको व्यावसायिकता, पारदर्शीता तथा सेवा गुणस्तरमा सुधार गर्दै कार्यशैली र पद्धतीमा उत्कृष्टता ल्याउन यस तालिमले महत्वपूर्ण भूमीका निर्वाह गर्ने कुरामा विश्वास व्यक्त गर्नुभयो । यसका लागि कर्मचारीहरूमा दक्षता, सकारात्मक व्यवहार, समयपालना र इमान्दारीता अत्यावश्यक रहेको बताउनुभयो । नेफ्स्कूनका सदस्य सेवा कार्यालय र सेवा केन्द्रहरूले जसरी प्राथमिक स्वास्थ्य केन्द्र नजिकको आधारभूत स्वास्थ्य सेवा प्रदान गर्ने केन्द्र हो त्यसरी नै सदस्य सेवा कार्यालय र सेवा केन्द्र सदस्य संस्थाको समस्या समाधान र सेवा प्रवाहमा पहिलो भरोसाको केन्द्र बन्नुपर्ने कुरामा जोड दिँदै कर्मचारीहरूलाई उच्च आत्मविश्वार स्वः उत्प्रेरित भएर काम गर्नको लागि निर्देशन दिनुभएको थियो  ।

कार्यक्रममा जालिनोट पहिचान, हस्ताक्षर प्रमाणीकरण र कागजात परिक्षण सम्वन्धमा राष्ट्रिय विधी विज्ञान प्रयोगशालाका वरिष्ट फरेन्सीक बैज्ञानीक अधिकृत एवम् फरेन्सीक विशेषज्ञ श्री मुकुल प्रधानले सहजीकरण गर्नुभएको थियो भने सकारात्मकता निर्माण र खुसी प्रवद्र्धन सम्बन्धी विषयमा पद्म प्रसाद घिमिरेले सहजीकरण गर्नुभएको थियो ।

कार्यक्रममा संघका अध्यक्ष चन्द्र प्रसाद ढकालले नेफ्स्कूनको आगामी कार्यदिशा र त्यसमा कर्मचारीहरूको भूमीकामा स्पष्टता आवश्यक रहेको र यसले नै समग्र संघको सफलता निर्धारण गर्ने कुरामा जोड दिदै कर्मचारीहरूमा सदस्यहरूसँग मित्रतापूर्ण व्यवहार, सेवा प्रवाहमा दक्षता, नीति नियमको परिपालना, प्रविधिको प्रभावकारी प्रयोग र सम्पर्क, व्यवहार र सहकार्य अपरिहार्य रहेको बताउनुभएको थियो । 

सञ्चालक सदस्य एवम् शिक्षा उपसमिति सदस्य नवराज अर्यालले कर्मचारीहरू नेफ्स्कूनको वास्तविक प्रतिविम्व भएको र कर्मचारीहरूको आचरण र व्यवहारमा नै संघको छवि तयार हुने भएकोले जिम्मेवार रहदै सदस्य केन्द्रीत सेवामा दृढताका साथ लाग्न निर्देशन दिनुभयो र तालिमले कर्मचारीहरूमा नयाँ सीप, प्रविधि र व्यावसायिक कौशल हासिल गर्न अवसर तथा सिकेको कुरालाई व्यवहारमा उतार्न नसके चुनौती बन्न सक्ने भएकोले कार्यशैलीमा लागु गरेर संस्थागत सुधारमा जोड दिनुभयो साथै संघलाई सहकार्य, समन्वय र सकारात्म उर्जाका साथ कामबाट संघ अझ बढी सुदृढ हुने कुरामा उहाँको विश्वास रहेको बताउनुभएको थियो ।