झापा । नेपाल बचत तथा ऋण केन्द्रीय सहकारी संघ लिमिटेड नेफ्स्कूनले मंसिर १ र २ गते नियमित निरीक्षण तथा अनुगमन कार्यक्रम अन्तर्गत स्वर्णलक्ष्मी बचत तथा ऋण सहकारी संस्था लिमिटेड, दमक ६, झापाको  स्थलगत सुपरिवेक्षण मंसिर २ गते सम्पन्न गरेको छ। 

सुपरिवेक्षणमा सहकारी संस्थाको सदस्यता व्यवस्थापन, वित्तीय विवरण, लेखा परीक्षण, सम्पत्ति व्यवस्थापन,एमआईएस अद्यावधिक, सुशासन प्रणाली र ऋण व्यवस्थापन लगायतका पक्षहरूको मूल्यांकन गरी सुधारका लागि सिफारिसहरू प्रस्तुत गरिएको छ। सुपरिवेक्षणका क्रममा संस्थागत सुदृढीकरण, वित्तीय पारदर्शिता, सुशासन, सदस्य हित संरक्षण, जोखिम व्यवस्थापन, र आन्तरिक नियन्त्रण प्रणालीका विषयमा विशेष ध्यान दिइएको थियो। सुपरीबेक्षणका क्रममा सहकारीको विनियम, कार्यविधि, नियमावली, कर्जा तथा बचत कार्यक्रम, ब्याजदर, सम्पत्ति शुद्धिकरण निवारण नीति , नियामक निकायका निर्देशनहरूको पालना, साथै भाखा नाघेका ऋण असुलीको अवस्था समेत मूल्यांकन गरेको थियो।

नेफ्स्कूनका तर्फबाट कार्यक्रम अधिकृत महेश वराल, संस्थाको तर्फबाट संचालक समितिका अध्यक्ष,उपाध्यक्ष, संचालक सदस्य, व्यवस्थापक लगाएत उच्च व्यवस्थापन तहका कर्मचारीहरुको सहभागीता रहेको थियो ।