काठमाडौं ।  नेपाल बचत तथा ऋण केन्द्रीय सहकारी संघ लिमिटेड (नेफ्स्कून) र चितवन स्थित पुल्चोक  बचत तथा ऋण सहकारी सस्थां लिमिटेड, चौतारी बचत तथा ऋण सहकारी सस्था लिमिटेड र   नेपालगंज उपमहानगरपालिका वडा नं २ स्थित पायनियर बचत तथा ऋण सहकारी सस्थां लिमिटेड संग नियमित निरीक्षण अनुगमन कार्यक्रम (स्क्यान) मा मङ्सिर २ गते तिन संस्था आबद्ध भएका छन् ।  

चितवन — पुल्चोक साकोस
पुल्चोक बचत तथा ऋण सहकारी सस्था लि.भरतपुर महानगरपालिका ०२,चितवनका सचिव सुनिता धिताल, व्यवसथापक अमृता थापा, र नेफ्स्कून चितवन सदस्य सेवा कार्यालयका बरिष्ठ सहायक केदारनाथ अधिकारी र सहायक सन्तोष अधिकारीको रोहबरमा प्रथम पक्ष संघको तर्फबाट व्यवसाय अधिकृत यमकला सुवेदी र दोस्रो पक्ष साकोसको तर्फबाट उपाध्यक्ष मिना श्रेष्ठकोे हस्ताक्षरमा सम्झौता सम्पन्न भएको थियो । 

चितवन — चौतारी साकोस
चौतारी बचत तथा ऋण सहकारी सस्था लि. भरतपुर महानगरपालिका ०३,चितवनका उपाध्यक्ष दिनेश खनाल, कोषाध्यक्ष निलकण्ठ शर्मा, व्यवस्थापक रञ्जन सापकोटा र चितवन सदस्य सेवा कार्यालय नेफ्स्कूनका बरिष्ठ सहायक केदारनाथ अधिकारी र सहायक सन्तोष अधिकारीको रोहबरमा प्रथम पक्ष संघको तर्फबाट व्यवसाय अधिकृत यमकला सुवेदी र दोस्रो पक्ष साकोसको तर्फबाट अध्यक्ष रामशरण सिलवालकोे हस्ताक्षरमा सम्झौता सम्पन्न भएको थियो । 

नेपालगञ्ज — पायनियर साकोस
पायनियर बचत तथा ऋण सहकारी सस्थां लिमिटेड नेपालगंज उपमहानगरपालिक वडा नं २ का कोषाध्यक्ष सुर्य कुमार श्रेष्ठ, व्यवस्थापक विष्णु प्रसाद खनाल र नेफ्‌स्कून बाँके सदस्य सेवा कार्यालयका प्रमुख यम बहादुर डाँगी, अनुगमन सहजकर्ता प्रकाश लुहारको रोहबरमा प्रथम पक्ष, संघको तर्फबाट कार्यक्रम अधिकृत प्रविन अधिकारी र दोस्रो पक्ष साकोसको तर्फबाट साकोसका अध्यक्ष शशि श्‍वारको हस्ताक्षरमा सम्झौता सम्पन्न भएको थियो । 

सहकारी ऐन, २०७४ को व्यवस्थामा भएका दफा २५, ९९ र १०३ को कार्यान्वयन, सहकारीका सात सिद्धान्तहरू ,वचत तथा ऋण सहकारीका चार सिद्धान्तहरू , पहिलो र दोस्रो पक्षको विनियमको व्यवस्था ,पहिलो र दोस्रो पक्षका नीति तथा कार्यक्रमहरूको नीतिगत तथा सैद्धान्तिक वातावरणमा वचत तथा ऋण सहकारीहरूको प्रवद्र्धन पहिलो र दोस्रो पक्षको आपसि सहयोग भएकोले विद्यमान जोखिम पहिचान एवम् व्यवस्थापन गरी सहकारी वित्त क्षेत्रमा उपलव्ध भएका नविनतम प्रविधिहरू उपयोग मार्फत निरन्तर प्रबर्धन, विकास र संरक्षण गर्दै क्षेत्रगत स्थायित्व सुनिश्चित गर्न सहकारी मर्म वमोजिम स्वनियमनको अभ्यास प्रबर्धनका लागि यो सम्झौता गरी कार्यान्वयन गरिएको हो ।