काठमाडौं । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को ३४औं वार्षिक साधारणसभा हेरिटेज गार्डन, सानेपा हाईट, ललितपुरमा २०८२ पौष ४ गते, (शुक्रबार) हुने भएको छ । 

२०८२ कात्तिक १४ गते बसेको सञ्चालक समितिको बैठकको निर्णयानुसार संघको ३४ औं वार्षिक साधारणसभामा ९ वटा प्रस्तावहरु पेश हुने र उक्त प्रस्ताव उपर छलफल छलफल गर्दै बचत तथा ऋण सहकारीका समसामयिक विषय र आगामी मार्गचित्रका विषयमा छलफल र बहस हुनेछ । साकोस अभियानलाई सुरक्षित, सुदृढ र सु व्यवस्थित बनाउने विषय साधारणसभामा विशेष महत्वका साथ उठाइने छ । 

साधारणसभामा सहभागि हुन आधिकारिक प्रतिनिधि मनोनयन गरी मंसिर २५ गते भित्र पठाउन सदस्यहरुलाई अनुरोध गरेको छ साथै मनोनयन गरिएका प्रतिनिधिलाई आधिकारिक पत्रसहित साधारण सभामा उपस्थितिका लागि अनुरोध गरेको छ। 

उपस्थितिका लागि आर्थिक वर्ष ०८२/८३ को नवीकरण, २०८२ मंसिर महिनासम्मको नियमित बचत जम्मा गरिसक्न र आ।व। ०८१र/८२ सम्मको लेखापरीक्षण प्रतिवेदन, साधारण सभाको निर्णय एवम् वार्षिक प्रगति प्रतिवेदन २०८२ मंसिर २५ भित्र संघको सदस्य सूचना प्रणालीमा पेश गर्न समेत अनुरोध गरेको छ। साधारणसभामा सहकारीका ४ हजार प्रतिनिधि सहभागी हुने अपेक्षा संघले राखेको  छ ।