काठमाडौं । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) द्वारा मेहेनेती बचत तथा ऋण सहकारी संस्था लिमिटेड, रुपन्देही बुटवलमा स्थलगत सुपरिवेक्षण मंसिर ०४ गते सम्पन्न भएको छ ।

नेफ्स्कूनले सहकारी संस्थाहरूमा सुशासन र दिगोपनाको प्रर्बधन गर्ने उद्देश्यले बचत तथा ऋण सहकारीहरूको स्थलगत सुपरिवेक्षण कार्यलाई निरन्तरता दिएको छ। सदस्यहरुको आर्थिक बिकास, शुसासन प्रत्याभुति र बचतकर्ताको बिश्वासको वातावरण श्रृजना गर्दै राज्य र नियमन निकायहरुसंग सहकार्य र समन्वय गरि  बिभिन्न समयमा जारि नीति, निर्देशिका र कार्यबिधिका बारेमा साकोसहरुलाई सुशूचित गर्ने उद्धेश्यले स्क्यान कार्यक्रम मार्फत साकोसलाई अनुशासित र वित्तीय सुब्यवस्थित बनाउने कार्यमा अभियान निरन्तर क्रियाशिल छ । अनुगमनका क्रममा स्क्यान कार्यक्रम र यसका सूचकहरुक बारेमा साकोसको संचालक समिति र कर्भचारी बिच छलफल गरियो । वित्तीय जोखिम बिश्लेषण सम्बन्धि जानकारी र भाखा नाघेका ऋण अशुलिमा बिशेष ध्यान दिई कानूनि प्रकृयाका बिषयमा सुधारात्मक सुझावहरू प्रदान गरिएको थियो।

संघका तर्फबाट वरिष्ठ अधिकृत कोमलराज अधिकारी र वरिष्ठ सहायक कल्पना भण्डारीले स्थलगत रुपमा अनुगमन गर्नु भएको थियो । साकोसबाट साकोसका सञ्चालक समिति सहित ब्यवस्थापनका कर्मचारीहरुको उपस्थिति रहेको थियो । साकोसका तर्फबाट समितिका सदस्यहरुले स्थलगत अनुगमन पश्चात संघले संस्थागत बिकासका लागि शुरु गरेको स्क्यान कार्यक्रममा सहभागि भै साकोसलाई अझ प्रभावकारी ढगंबाट संचालन गर्नेमा साकोस प्रतिबद्ध रहेको बताउनुभयो ।