मकवानपुर । नेपाल बचत तथा ऋण केन्द्रीय सहकारी संघ लि. (नेफ्स्कून) बाट परिवर्तन साकोस हेटौडा उपमहानगरपालिका ३, बसामाडी  मकवानपुरको स्क्यान अन्तर्गत पहिलो निरिक्षण तथा प्रोवेसन स्थलगत सुपरिवेक्षण मंसिर २० गते सम्पन्न भएको छ ।

स्थलगतका क्रममा संस्थाको वित्तिय अवस्था, नीतिगत अवस्था तथा कार्यान्वयन, नियामकीय व्यवस्थाको परिपालना र सुशासन व्यवस्थापनका आधारभूत पक्षहरुको सुपरिवेक्षण सम्पन्न गरिएको छ । संस्थाको व्यवस्थापक  अम्विका वि.क.ले प्रोवेसन कार्यक्रमको नियमित सुपरिवेक्षणबाट संस्थाको आन्तरिक सुदृढीकरण र व्यवसायिकता विकास र गुणस्तरीय सेवा प्रदान गर्न  सहयोग पुगेको बताउनुभयो । साथै प्रोवेसन कार्यदल संयोजकदेवी पौडयालले यस कार्यक्रमबाट संस्थाको सुशासन कायम गर्न सदस्यहरुको विश्वास तथा संरक्षणमा सहयोग पुगेको तथा निरन्तर सुपरिवेक्षण र मार्गदर्शनको अपेक्षा गरेको बताउनु भयो ।

संस्थाको अध्यक्ष शर्मिला न्यौपानेले नेफ्स्कूनको नियमित सुपरिवेक्षणबाट संस्था सुधारमा मार्गदर्शन प्राप्त गरेको तथा संस्थाको निरन्तर विकासमा साकोसको सञ्चालक र व्यवस्थापन टीम सक्रिय रहदै निरन्तर बलियो संस्था निर्माण गर्ने बताउनु भयो । स्थलगत सुपरिवेक्षण कार्यक्रम अधिकृत सोविता मैनालीले गर्नु भएको थियो ।