मकवानपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को आयोजनामा मकवानपुर हेटौंडामा साकोस जोखिम व्यवस्थापन ३६० कार्यशाला मंसिर ८ गते सम्पन्न भएको छ । कार्यशालाकै दिन मकवानपुर स्थित तिनवटा साकोसले स्क्यानमा आबद्धता जनाएका हुन । 

संघले यसै आर्थिक वर्ष देखी लागु हुने गरी सञ्चालनमा ल्याएको नियमित निरिक्षण तथा अनुगमन कार्यक्रम (स्क्यान) अन्तर्गत रहेर मकवानपुर मा रहेका संस्थाहरुलाई लक्षित गरी कार्यक्रम सञ्चालन गरिएको हो । यसै अनुरुप कार्यक्रममा मकवानपुरका ३५ भन्दा वढि साकोसका सञ्चालक तथा कर्मचारी गरी ६५ जनाको सहभागिता रहेको थियो ।

कार्यक्रमको सुरुवातमा नेफ्स्कून मकवानपुर सदस्य सेवा कार्यालय उपसमिति सदस्य आसा कुमारी अधिकारी बाट स्वागत तथा शुभकामना मन्तव्य  राख्दै सहजकर्ता प्रेम वाग्ले लाई मञ्च हस्तान्तरण गर्नु भएको थियो । सहजिकरणको शुरुवातमा बरिष्ठ अधिकृत प्रेमनाथ वाग्ले ले नेफ्स्कूनले यसै आर्थिक वर्ष देखी सञ्चालनमा ल्याएको नियमित निरीक्षण तथा अनुगमन कार्यक्रम (स्क्यान) को बारेमा सहभागिहरुलाई प्रस्ट पार्नुभएको थियो ।

संघमा आवद्ध सदस्य संघ संस्थाहरुको नियमित रुपमा निरीक्षण तथा अनुगमन गरी जोखिम स्तर निर्धारण, जोखिम व्यवस्थापन र गुणस्तर सुनिश्चित गर्न विगत वर्षहरुमा सञ्चालित एक्सेस, प्रोवेसन तथा कर्वस कार्यक्रमहरुको सिकाईका आधारमा थप परिमार्जन सहितको कार्यक्रमको रुपमा यस कार्यक्रमलाई ल्याइएको हो । यस ले संस्थाहरुको नियमित निरीक्षण तथा अनुगमन गरी देखिएको जोखिम व्यवस्थापन गर्न आवश्यक ज्ञान तथा सीप प्रदान गर्ने गरी सदस्यहरुको लागत सहभागितामा सञ्चालन हुने गरी यो कार्यक्रमको डिजाइन भएको छ । कार्यक्रममा संघमा आवद्ध सबै सदस्यहरुलाई सहभागि गराउने लक्ष संघको रहेको छ । 

कार्यक्रममा अन्तमा बोल्दै जिल्ला बचत संघका सञ्चालक सर्मिला महतले कार्यक्रम एकदम उपलब्धी मुलक रहेको र यस स्क्यान कार्यक्रम साकोसहरुको सुरक्षा र सवलताको लागि महत्वपुर्ण रहेको कुरा जानकारी दिदै सबै संस्थाहरुलाई अवद्ध हुनको लागि आग्रह गर्नुभएको थियो । साथै सहभागिहरुले पनि कार्यशाला तथा स्क्यान कार्यक्रम प्रभावकारी र महत्वपुर्ण रहेको विचार प्रस्तुत गर्नुभयो । कार्यशालाकै दिन मकवानपुरको थाहा नगरपालिकामा रहेको प्यासेफिक साकोस, इन्द्रसरोवरमा रहेको मितेरी साकोस र सृजना महिला साकोसले स्क्यान कार्यक्रममा सम्झौता समेत गरेका छन ।

विहान ८ बजे देखी बेलुका ५ वजे सम्म सञ्चालन भएको उक्त कार्यक्रमको सहिजकरण संघका वरिष्ठ अधिकृत प्रेमनाथ वाग्ले र अधिकृत श्यामराजा तिमल्सिनाले गर्नुभएको थियो भने कार्यक्रमको सञ्चालन नेफ्स्कून सदस्य सेवा कार्यालय प्रमुख ज्योती  गर्नुभएको थियो । कार्यक्रमको व्यवस्थापन सुरेन्द्र श्रेष्ठ र अमन विडारीले गर्नुभएको थियो ।