दोलखा । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले ल्याएको नियमित निरिक्षण तथा अनुगमन (स्क्यान) कार्यक्रममा दोलखा स्थित जनसचेतन साकोसले मंसिर ०८ गते नेफ्स्कूनको केन्द्रीय कार्यालयमा आई आबद्धता जनाएको छ ।

नेफ्स्कून का प्रमुख कार्यकारी अधिकृत डा.शिवजी सापकोटा र जनसचेतन साकोस, दोलखा का अध्यक्ष गोपालध्वज श्रेष्ठ, साकोसका प्रमुख कार्यकारी अधिकृत नवराज दाहाल, नेफ्स्कून सदस्य सेवा विभाग प्रमुख दुर्गा प्रसाद ढकाल, बरिष्ठ अधिकृत नविन राज दाहाल र भरत न्यौपाने साथै अधिकृत राजन सुवेदीको उपस्थितिमा दुई पक्ष बिच संघमा नै सम्झौता सम्पन्न भएको थियो ।  साकोसले संघमा आएर सुशासन र साकोस गुणस्तरताको अभियानमा प्रतिवद्धता जनाएको छ । साथै राज्यको प्रत्यक्ष नियमनमा रहने र वचत तथा ऋण सहकारी अभियानको सुदृढीकरणको लागि यस स्क्यान कार्यक्रम आफैमा उत्कृष्ट औजारको रुपमा हुने विश्वास लिएको छ ।

संघको ३८औं स्थापना दिवसको दिन सार्वजनिक भएको नियमित निरिक्षण तथा अनुगमन कार्यक्रम  ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ ।

सहकारी ऐन, २०७४ को व्यवस्थामा भएका दफा २५, ९९ र १०३ को कार्यान्वयन, सहकारीका सात सिद्धान्तहरू, वचत तथा ऋण सहकारीका चार सिद्धान्तहरू, पहिलो र दोस्रो पक्षको विनियमको व्यवस्था, पहिलो र दोस्रो पक्षका नीति तथा कार्यक्रमहरूको नीतिगत तथा सैद्धान्तिक वातावरणमा वचत तथा ऋण सहकारीहरूको प्रवद्र्धन पहिलो र दोस्रो पक्षको आपसि सहयोग भएकोले विद्यमान जोखिम पहिचान एवम् व्यवस्थापन गरी सहकारी वित्त क्षेत्रमा उपलव्ध भएका नविनतम प्रविधिहरू उपयोग मार्फत निरन्तर प्रबर्धन, विकास र संरक्षण गर्दै क्षेत्रगत स्थायित्व सुनिश्चित गर्न सहकारी मर्म वमोजिम स्वनियमनको अभ्यास प्रबर्धनका लागि सम्झौता गरी कार्यान्वयन गरिएको हो । यस स्वनियमनको अभ्यासमा सहभागी भई साकोसको आर्थिक बृद्धि र सामाजिक छवि निर्माणमार्फत सदस्यमा केन्द्रित सेवाहरु प्रवाहीकरणमा यस कार्यक्रमले मार्गको काम गर्नेछ ।