नवलपरासी । नेपाल बचत तथा ऋण केन्द्रिय सहकारी संघ (नेफ्स्कून)को आयोजना र जिल्ला बचत संघ नवलपरासीको समन्वयमा अनुशिक्षण तथा स्क्यान अभिमुखिकरण कार्यक्रम मंसिर ८ गते नवलपरासीको भुमहीमा सम्पन्न भएको छ । 

४५ जनाको सहभागितामा संचालन भएको  कार्यक्रममा सहभागीहरूको जिज्ञासालाई सम्बोधन गर्दै  अध्यक्ष चन्द्रप्रसाद ढकाल ले  वर्तमान सहकारी कानुनको कार्यन्वयनको अवस्था  र वर्तमान अवस्थामा सहकारी क्षेत्रमा देखिएका चुनौतिका विषयमा र कानुनको परिपालना गरि, आफ्ना क्षमता विकास गर्नु पर्ने र MIS  मा नियमित रूपमा मासिक प्रतिवेदन पठाई आफ्ना संस्थाको जोखिमस्तर मापन गरी संस्था लाई अझ प्रभावकारी बनाउन जोड दिनुभयो।

जिल्ला बचत संघका अध्यक्ष राजनकुमार आचार्यले आफ्ना सदस्यहरूको बचतको सुरक्षा र संस्था लाई दिगो बनाउनको लागि स्क्यान कार्यक्रम प्रभावकारी रहने कुरा व्यक्त गर्नुभएको थियो। नेफ्स्कून कार्यक्रम अधिकृत सौभाग्य भट्टराईले सहकारीको मर्यादा, मूल्य र सिद्धान्तहरूको व्यावहारिक प्रयोग र नेफ्स्कूनले प्रयोगमा ल्याएको MIS System र स्क्यान कार्यक्रम का विषयमा प्रस्तुतीकरण दिनु भयको थियो । कार्यक्रमको  ब्यबस्थापन ब.सहायक कल्पना भण्डारीले गर्नुभएको थियो।