मकवानपुर ।  नेफ्स्कूनद्धारा जन जागृति साकोस मकवानपुरगढी गाउपालिका ७, सुकौरा मकवानपुरको स्क्यान अन्तर्गत पहिलो निरिक्षण तथा प्रोवेसन स्थलगत सुपरिवेक्षण मंसिर १७ गते सम्पन्न भएको छ । 

संस्थाको वित्तिय अवस्था,नीतिगत अवस्था तथा कार्यान्वयन, नियामकीय व्यवस्थाको परिपालना र सुशासन व्यवस्थापनका आधारभूत पक्षहरुको स्थलगत सुपरिवेक्षण  सम्पन्न गरिएको हो । संस्थाको व्यवस्थापक  भगवती खतिवडाले संस्थामा आन्तरिक तथा नीतिगत सुधार सहित मार्गदर्शनका लागि स्क्यान कार्यक्रममा आवद्ध भएको बताउँदै कार्यक्रमबाट संस्थाको आन्तरिक सुदृढीकरणमा सहयोग पुगेको तथा निरन्तर सुपरिवेक्षण र मार्गदर्शनको अपेक्षा गरेको बताउनु भयो ।

संस्थाका अध्यक्ष  हिरामाया स्याङतानले नेफ्स्कूनको नियमित सुपरिवेक्षणबाट संस्था सुधारमा मार्गदर्शन प्राप्त गरेको तथा संस्थाको निरन्तर विकासमा साकोसको सञ्चालक र व्यवस्थापन सक्रिय रहेको  बताउनु भयो । स्थलगत सुपरिवेक्षण नेफ्स्कूनका कार्यक्रम अधिकृत सोविता मैनालीले गर्नु भएको थियो ।