मोरगं । नेपाल बचत तथा ऋण केन्द्रीय सहकारी संघ (लिमिटेड) ले मंसिर २४ गते  लेटागं नगरपालिका, जांते, मोरगंमा रहेको पञ्चमुखी बचत तथा ऋण सहकारी संस्था लि. को स्थलगत सुपेरिवेक्षण सम्पन्न गरेको छ । 

नेफ्स्कूनद्वारा सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत अनुगमन प्रभाबकारी रुपमा अघि बढाइएको हो । संस्थाको स्तरीकरणका लागि  बिभिन्न बिषयहरु जस्तैः बचत, ऋण, ब्याजदर, बार्षिक योजना, सम्पति शद्धिकरण निवारण नितिको पालना, नियामकिय निकायहरुबाट दिएको निर्देशनको परिपालना, संस्थाको भाखा नाघेको ऋण असुली का कानुनि प्रकृया लगायत समग्र आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो ।

साकोसका अध्यक्ष दुर्गा प्रसाद पोख्रेल,सचिव नैन कुमार पोख्रेल,उपसमिति सदस्य सीता घिमिरे र नेफ्स्कूनका तर्फबाट कार्यक्रम अधिकृत मुकेश दाहाल, अनुगमन सहायक डिल्लिराम तिम्सिनाको उपस्थिति रहेको थियो । साकोसको तर्फबाट आगामि संचालक समितिको बैठकमा स्क्यान कार्यक्रमका बिषयमा छलफल गरि कार्यक्रममा भाग लिने निर्णय गर्ने प्रतिबद्धता ब्यक्त गर्नुभयो ।