चितवन । सहयात्री बचत तथा ऋण सहकारी संस्था लि. गैंडाकोट ७, नवलपरासी पुर्व ले नेपाल बचत तथा ऋण केन्द्रीय सहकारी संघ लि.(नेफ्स्कून) को नियमित निरिक्षण तथा अनुगमन कार्यक्रम (स्क्यान) मा मंसिर २४ गते आबद्धता जनाएको छ । 

सहकारी ऐन २०७४ को दफा ९९ मा व्यवस्था भए बमोजिम संघद्धारा यो कार्यक्रमको शुरुवात गरिएको हो । यस कार्यक्रमले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । 

सहयात्री साकोसका  उपाध्यक्ष राजेन्द्र पौडेल, निवर्तमान अध्यक्ष लक्षुमन ओझा,व्यवस्थापक वृहस्पति घिमिरे र नेफ्स्कूनका चितवन सदस्य सेवा कार्यालयका व्यवसाय अधिकृत यमकला सुवेदी, बरिष्ठ सहायक केदारनाथ अधिकारी र सहायक सन्तोष अधिकारीको उपस्थितिमा साकोसका अध्यक्ष अध्यक्ष भिम प्रसाद सापकोटा र संघका सदस्य सेवा विभाग प्रमुख दुर्गा प्रसाद ढकालको हस्ताक्षरमा सम्झौता कार्यक्रम सम्पन्न भएको  थियो ।