मकवानपुर । नेपाल बचत तथा ऋण केन्द्रिय सहकारी सघं लि. (नेफ्स्कून) ले सहकारीहरुको लागि ल्याएको नियमित निरिक्षण अनुगमन (स्क्यान) कार्यक्रममा बकैया गाउँपालिका ०३, मकवानपुरको सहयात्री बचत तथा ऋण सहकारी संस्था लि. मंसिर २४ गते आबद्ध भएको छ ।

स्क्यान कार्यक्रम नेफ्स्कूनद्वारा सञ्चालित एक नियमित निरिक्षण तथा अनुगमन कार्यक्रम हो। यो कार्यक्रम बचत तथा ऋण सहकारी संस्थाहरूको वित्तीय सुशासन, जोखिम व्यवस्थापन र गुणस्तर सुनिश्चितता गरी सदस्यहरूको बचतलाई सुरक्षित र स्वस्थ बनाउने विशिष्ट उद्देश्यका साथ लागू गरिएको छ। यो नेफ्स्कूनको पूर्ववर्ती स्तरीकरण कार्यक्रम (जस्तैः एक्सेस, प्रोवेसन) को परिमार्जित र एकीकृत स्वरूप हो।

सहयात्री साकोसका अध्यक्ष रामेश्वर लामिछाने, सचिव श्याम कुमार दाहाल ब्यवस्थापक पुष्पराज गौतम, नेफ्स्कूनको तर्फबाट कार्यक्रम अधिकृत श्यामराजा तिमल्सिना मकवानपुर सदस्य सेवा कार्यालय ईन्चार्ज ज्योति महत, चितवन सदस्य सेवा कार्यालय अनुगमन सहजकर्ता सुरेन्द्र श्रेष्ठको रोहबरमा प्रथम पक्ष संघको तर्फबाट सदस्य सेवा बिभाग प्रमुख दुर्गा प्रसाद ढकाल र दोस्रो पक्ष बाट अध्यक्ष रामेश्वर लामिछानेको हस्ताक्षरमा सम्झौता सम्पन्न भएको थियो ।